பி. ஏ. முகமது ரியாஸ்

பி. ஏ. முகமது ரியாஸ்
P. A. Mohammed Riyas
பி. ஏ. முகமது ரியாஸ்; P. A. Mohammed Riyas
அமைச்சர், கேரள அரசு
	பதவியில் உள்ளார்
	பதவியில் ; 20 மே 2021
ஆளுநர்	ஆரிப் முகமது கான்
அமைச்சகம்	பொதுப்பணித் துறை; கேரள சுற்றுலாத்துறை; Youth Affairs;
முன்னையவர்	ஜி. சுதாகரன்; (பொதுப்பணித் துறை); கடகம்பள்ளி சுரேந்திரன்; (சுற்றுலா);
கேரள சட்டமன்ற உறுப்பினர்
	பதவியில் உள்ளார்
	பதவியில் ; 03 மே 2021
முன்னையவர்	வி. கே. சி. மம்மெது கோயா
தொகுதி	பேப்பூர்
தலைவர், இந்திய ஜனநாயக வாலிபர் சங்கம்
	பதவியில் உள்ளார்
	பதவியில் ; 2017
முன்னையவர்	எம். பி. ராஜேஷ்
தனிப்பட்ட விவரங்கள்
பிறப்பு	1blankname முதலமைச்சர்; 18 மே 1976 (அகவை 49); பேப்பூர்
இறப்பு	1blankname முதலமைச்சர்
இளைப்பாறுமிடம்	1blankname முதலமைச்சர்
அரசியல் கட்சி	இந்தியப் பொதுவுடமைக் கட்சி (மார்க்சிஸ்ட்)
துணைவர்(கள்)	சமீகா சைதலவி; (தி. 2002; ம.மு. 2015); வீணா (தி. 2020)
பெற்றோர்	1blankname முதலமைச்சர்;
உறவினர்	பிணறாயி விஜயன் (மாமனார்)
முன்னாள் மாணவர்	பரூக் கல்லூரி, கோழிக்கோடு; அரசு சட்டக் கல்லூரி, கோழிக்கோடு;

பி. ஏ. முகமது ரியாஸ் (P. A. Mohammed Riyas) ஓர் இந்திய அரசியல்வாதியாவார். தற்போது கேரள அரசின் பொதுப்பணித் துறை மற்றும் சுற்றுலாத் துறை அமைச்சராக பணியாற்றுகிறார்.^[1] இந்தியப் பொதுவுடமைக் கட்சி கட்சியின் கேரள மாநில குழு உறுப்பினராக இருக்கும் இவர், இந்திய ஜனநாயக வாலிபர் சங்கத்தின் முன்னாள் அகில இந்திய தலைவராகவும் இருந்தார்.^[2]^[3]^[4]^[5]

இளமை வாழ்க்கை

முகமது ரியாஸ் கோழிக்கோட்டில் பிறந்தார்.^[6] இவரது தந்தை பி. எம். அப்துல் காதர் ஒரு இந்தியக் காவல் பணி அதிகாரி ஆவார்.^[7] இந்திய தேசிய காங்கிரசு கட்சியின் உறுப்பினரான இவரது உறவினர் பி. கே. மொய்தீன்குட்டி சாஹிப் கேரள பிரதேச காங்கிரசு கட்சியின் முன்னாள் தலைவராவார். அவர், சுதந்திர போராட்ட வீரராகவும், 1937 இல் சென்னை சட்டமன்ற உறுப்பினராகவும் இருந்தார்.^[8]

ரியாஸ் தனது பள்ளிப்படிப்பை கோழிக்கோட்டில் உள்ள புனித சூசையப்பர் ஆண்கள் மேல்நிலைப் பள்ளியில் முடித்தார். பின்னர், பரூக் கல்லூரியில் இளங்கலை வணிகவியல் பட்டம் பெற்றார். பின்னர் கோழிக்கோடு அரசு சட்டக் கல்லூரியில் சட்டப் பட்டம் பெற்றார்.^[9]

சொந்த வாழ்க்கை

இவர் 2002 இல் மருத்துவர் சமீகா சைதலவி என்பவரை மணந்தார். பின்னர் 2015 இல் விவாகரத்து செய்தார். இவர்களுக்கு இரண்டு மகன்கள் உள்ளனர்.^[10] 15 ஜூன் 2020, அன்று கேரள முதலமைச்சர் பிணறாயி விஜயனின் மகள் டி. வீணாவை மணந்தார்.^[11]

தேர்தல் அரசியல்

2009 இந்தியப் பொதுத் தேர்தலின்போது, ரியாஸ் கோழிக்கோடு தொகுதியில் இந்தியப் பொதுவுடமைக் கட்சி (மார்க்சிஸ்ட்) வேட்பாளராக இருந்தார்.^[12]^[13] இந்திய தேசிய காங்கிரசு கட்சியின் எம். கே. ராகவன் 838 வாக்குகள் வித்தியாசத்தில் ரியாஸை வென்றார். ராகவன் தனக்கு எதிராக அச்சு ஊடகங்களில் பிரச்சாரத்தை வெளியிட்டதாக குற்றம் சாட்டி கேரள உயர்நீதிமன்றத்தில் மனு தாக்கல் செய்து ரியாஸ் தேர்தல் முடிவை எதிர்த்தார்.^[14]^[15] இந்த மனு 2010 மே 17 அன்று தள்ளுபடி செய்யப்பட்டது.^[16]

2021 கேரள சட்டப்பேரவைத் தேர்தலில் பேப்பூர் தொகுதியில் போட்டியிட்ட முகமது ரியாஸ் 28,747 வாக்குகள் வித்தியாசத்தில் வெற்றி பெற்றார்.

அரசியல் கருத்துக்கள்

குடியுரிமை திருத்தச் சட்டம் 2019 -ஐ ரியாஸ் விமர்சித்து எதிர்த்தார். ^[17]^[18]^[19]^[20] அச்சட்டத்திற்கு எதிர்ப்பை இந்திய அரசியலமைப்பைப் பாதுகாப்பதற்கான போராட்டமாக இவர் கருதுகிறார். 6 ஜனவரி 2020 அன்று, கோழிக்கோடு கடற்கரையில் 100,000 பேருடன் அச்சட்டத்திற்கு எதிரான பேரணிக்கும் தலைமை தாங்கினார்.^[21]