மானஸ்வி கொட்டாச்சி

மானஸ்வி கொட்டாச்சி (Manasvi Kottachi) தமிழ்த் திரைப்படங்களில் நடித்துவரும் குழந்தை நட்சத்திரமாவார்.

மானஸ்வி, வடிவேலு, விவேக் ஆகியோருடன் துணை நகைச்சுவை வேடங்களில் தோன்றிய நகைச்சுவை நடிகர் கொட்டாச்சியின் மகளாவார்.^[1][2]

இவரது தந்தையின் முகநூல் கணக்கில் மானஸ்வியின் காணொளியைக் கண்ட இவரது தந்தையின் மேலாளர் இவரை இமைக்கா நொடிகள் (2018) திரைப்படத்தில் அறிமுகம் செய்தார்.^[3] இந்தப் படத்தில், மானஸ்வி நயன்தாராவின் மகளாக நடித்திருந்தார். மேலும் தனது பாத்திரத்திற்காக வரவேற்பும் பெற்றார்.^[4][5] பின்னர், நடிகர் திலீப்புடன் மை சாண்டா (2019) என்ற மலையாளப் படத்தில் ஒரு முக்கிய வேடத்தில் நடித்தார்.^[1][2][6] தர்பார் (2020) உட்பட பல படங்களில் நடித்தார்.^{[4] [7]} ஸ்ரீ மணி இயக்கிய கண்மணி பாப்பா (2022) என்ற திகில் படத்தில் முக்கிய வேடத்தில் நடித்தார்.^{[8] [9]} மாமனிதன்(2022) படத்தில் நடித்ததைத் தொடர்ந்து, பாலிவுட் படத்தில் பணிபுரியவும் இவருக்கு வாய்ப்பு கிடைத்தது.^[10]

• ஐ.எம்.டி.பி இணையத்தளத்தில் மானஸ்வி கொட்டாச்சி