ரந்தாவ் பாஞ்சாங்

ரந்தாவ் பாஞ்சாங்
Rantau Panjang
கிளாந்தான்
ரந்தாவ் பாஞ்சாங்; Rantau Panjang; கிளாந்தான்
	ரந்தாவ் பாஞ்சாங் நகரம்
	ரந்தாவ் பாஞ்சாங்
	ஆள்கூறுகள்: 6°01′14″N 101°58′09″E / 6.02056°N 101.96917°E
நாடு	மலேசியா;
மாநிலம்	கிளாந்தான்
மாவட்டம்	பாசிர் மாஸ்
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	17200
தொலைபேசி எண்	+609
போக்குவரத்துப் பதிவெண்	K

ரந்தாவ் பாஞ்சாங், (மலாய்: Rantau Panjang; ஆங்கிலம்: Rantau Panjang; தாய்: รันเตาปันจัง; ஜாவி: رنتاو ڤنجڠ‎) என்பது மலேசியா, கிளாந்தான் மாநிலத்தில், பாசிர் மாஸ் மாவட்டத்தில் (Pasir Mas District) அமைந்துள்ள நகரம். மாநிலத் தலைநகர் கோத்தா பாருவில் இருந்து 39 கி.மீ. தொலைவில் அமைந்துள்ளது.

மலேசியா-தாய்லாந்து எல்லைக்கு அருகில் அமைந்துள்ள ரந்தாவ் பஞ்சாங் நகரின் வடக்குப் பகுதியில் கோலோக் ஆறு ஓடுகிறது. இந்தக் கோலோக் ஆறுதான் தாய்லாந்து; மலேசியா நாடுகளின் எல்லையாகவும் அமைகின்றது.^[1]

பொது

இந்த நகரம் பல்வேறு வகையான விற்பனை பொருட்கள் மற்றும் நினைவு பரிசுப் பொருள்களுக்குப் பிரபலமானது. மலேசியாவின் தாய்லாந்து எல்லைத் தொடர்பான அரசாங்க அலுவலகங்கள் பெரும்பாலும் இங்குதான் உள்ளன.

எல்லைச் சோதனைகள் பிரிவு; பொருட்கள் கடத்தல் தடுப்பு பிரிவு; அரச சுங்கப் பிரிவு; அரசு கலால் துறை; குடிவரவுத் துறை; அரச மலேசியக் காவல்துறை போன்றவை உள்ளன. ^[2]

ரந்தாவ் பாஞ்சாங்கைச் சுற்றிலும் போதைப்பொருள் கடத்தல்; அரிசி கடத்தல்; சர்க்கரை கடத்தல்; மனிதர்கள் கடத்தல் போன்ற கடத்தல் நிகழ்ச்சிகள் நடைபெறுவதைத் தடுக்க அரசாங்கம் கட்டுப்பாடுகளை அமல்படுத்தி வருகிறது. ரந்தாவ் பாஞ்சாங் சுங்க வரி இல்லாத ஒரு பகுதி. அதனால் பொதுமக்கள் அதிகமாக இங்கு வருகின்றனர்.^[2]