வாணி ராணி (தொலைக்காட்சித் தொடர்)

வாணி ராணி
வகை	குடும்பம் நாடகத் தொடர்
உருவாக்கம்	ராதிகா சரத்குமார்
எழுத்து	ராதிகா சரத்குமார்
இயக்கம்	ஓ. என். ரத்தினம்
படைப்பு இயக்குனர்	ராதிகா சரத்குமார்
நடிப்பு	ராதிகா சரத்குமார் வேணு அரவிந்த் பப்லு பிரித்திவிராஜ் நீலிமா ராணி அருண் குமார் ராஜன் விக்கி கிரிஷ்
முகப்பு இசை	சத்யா
முகப்பிசை	"ஒரு பறவை" -சக்திஸ்ரீ கோபாலன்
பின்னணி இசை	சத்யா & தரன்
நாடு	இந்தியா
மொழி	தமிழ்
அத்தியாயங்கள்	1,743
தயாரிப்பு
நிருவாக தயாரிப்பு	எஸ். சங்கர் & சண்முகம் பிரசாத்
தயாரிப்பாளர்கள்	ராதிகா சரத்குமார்
படப்பிடிப்பு தளங்கள்	இந்தியா
தொகுப்பு	கே. கணேஷ் & வி. டி. விஜயன்
ஓட்டம்	தோராயமாக 15-20 நிமிடங்கள்
தயாரிப்பு நிறுவனங்கள்	ராடான் மீடியாவொர்க்ஸ்
ஒளிபரப்பு
அலைவரிசை	சன் தொலைக்காட்சி
படவடிவம்	ஹெச்டி (HD)
ஒளிபரப்பான காலம்	21 சனவரி 2013 (2013-01-21) – 8 திசம்பர் 2018 (2018-12-08)
Chronology
முன்னர்	செல்லமே
பின்னர்	சந்திரகுமாரி

வாணி ராணி என்பது சன் தொலைக்காட்சியில் ஒளிபரப்பான தொலைக்காட்சி நாடகத் தொடர் ஆகும். இது நடிகை ராதிகாவின் ராடான் மீடியாவொர்க்ஸின் தயாரிப்பில் ஜனவரி 21, 2013 முதல் திசம்பர் 8, 2018 வரை, திங்கள் கிழமை முதல் சனிக்கிழமை வரை, இரவு 9.30 மணிக்கு ஒளிபரப்பானது. இதே நிறுவனத்தின் தயாரிப்பான செல்லமே என்ற தொடர் முடிவடைந்ததைத் தொடர்ந்து இத்தொடர் ஒளிபரப்பானது.

சித்தி, அண்ணாமலை, அரசி தொடர்களில் இரட்டை வேடத்தில் நடித்த ராதிகா, நான்காவது முறையாக வாணி ராணி தொடரில் இரட்டை வேடத்தில் நடித்தார், இவருடன் சேர்ந்து வேணு அரவிந்த், பப்லு பிரித்திவிராஜ், நீலிமா ராணி, அருண் குமார் ராஜன் , விக்கி கிரிஷ், மானச் சவளி, நவ்யா, நேஹா, சாந்தி வில்லியம்ஸ் போன்ற பலர் நடித்துள்ளார்கள்.^{[1] [2][3]}

இந்தத் தொடர் 2014 முதல் சன் குடும்பம் விருதுகளில் பல பிரிவுகளின் கீழ் பரிந்துரை செய்யப்பட்டு பல விருதுகளை வென்றுள்ளது என்பது குறிப்பிடத் தக்கது. தமிழ் தொலைக்காட்சி வரலாற்றில் அதிக பகுதிகளில் ஒளிபரப்பான தொடர் என்ற பெருமை இந்தத் தொடரையே சேரும்.இந்த நிகழ்ச்சி கலைஞர் டிவியில் ஜூலை 19, 2021, திங்கள் முதல் வெள்ளி வரை இரவு 10:00PM–10:30PM வரை மீண்டும் ஒளிபரப்பத் தொடங்கியது.

அக்கா தங்கையான வாணி ராணி அண்ணன் தம்பிகளான சாமிநாதன் பூமிநாதனை திருமணம் செய்துகொண்டு ஒரே குடும்பத்திற்கு வாழப் போகிறார்கள். அக்கா வாணி பெரிய வழக்கறிஞராக இருக்க, தங்கை ராணியோ படிப்பு ஏறாத பெண்ணாக அதே சமயம் குடும்ப நிர்வாகத்தில் கெட்டிக்காரியாகவும், அப்பாவியாகவும் இருக்கிறார்.

கூட்டுக் குடும்பமாக வாழும் இவர்கள் ஒருவருக்கொருவர் ஆதரவாக இருந்தாலும், இருவருக்கும் புகுந்த வீட்டில் ஒரு சிக்கல் வருகிறது. அந்தச் சிக்கலால் இருவருக்கும் இடையே பெரும் பிரச்சனை உருவாகி அதன் மூலம் இருவரின் உறவிலும் விரிசல் ஏற்படுகிறது. இருப்பினும் தொடர்ந்து ஒரே வீட்டில், ஒரே குடும்பமாகவே வாழும், இவர்களது வாழ்க்கையில் நிகழும் சம்பவங்கள் தான் வாணி ராணி தொடரின் கதை.

• ராதிகா - வாணி/ராணி (இரட்டை வேடங்களில்)
• வேணு அரவிந்த் - பூமிநாதன்
• பப்லு பிரித்திவிராஜ் - சுவாமிநாதன்

• மானச் சவளி - சரவணன் சுவாமிநாதன் (மகன்)
• நிகிலா ராவ் → நிரஞ்சனி அகர்வால் - செல்வி (மகள்)
• குகன்- ராஜேஷ் (மருமகன்)
• நேஹா - தேன்மொழி (மகள்)
• சுருதி சண்முக பிரியா - பவித்ரா சரவணன் (மருமகள்)
• ஜிஆர்.மாணிக்கம் (ராஜேஷ்- செல்வியின் குழந்தை)

• அருண் குமார் ராஜன் - சூர்யநாராயணன் "சூர்யா" (மகன்)
• விக்கி கிரிஷ் - கெளதம் கிருஷ்ணன் "கௌதம்" (மகன்)
• நீலிமா ராணி - டிம்பில் சூர்யா நாராயணன் (மருமகள்)
• நவ்யா - பூஜா கெளதம் கிருஷ்ணன் (மருமகள்)
• டெல்னா டேவிஸ்- அனுப்பிரியா "அனு"(மகள்)
• சாந்தி வில்லியம்ஸ் - அங்கயர்கன்னி (பூமிநாதன், ஜோதியின் தாய் மற்றும் சுவாமிநாதனின் மாற்றான் தாய்)
• மனோ (சூர்யா-டிம்பிலில் மகன்)

• ரவிக்குமார் - மாணிக்கம்
• சிவாஜி மனோகர் - மனோகர் மாணிக்கம்
• காயத்ரி → ஜோதி ரெட்டி → ருபா ஸ்ரீ → பிரேமி வெங்கட் - ஜோதி மனோகர்

• மமீலா ஷைலாஜா பிரியா - அகிலாண்டேஸ்வரி
• ராஜேந்திரன் - பொன்னம்பலம்
• ஸ்ரீ லேகா - அலமேலு பொன்னம்பலம்
• ஜோக்கர் துளசி - பாயிண்ட்
• ராமேஸ்வரம் - சதாசிவம்
• தரணி - மைதிலி
• முரளி கிருஷ்ணன் - ஆட்டோ ஆறுமுகம்

• இந்த தொடர் தெலுங்கு மற்றும் மலையாளம் மொழிகளில் மொழி மற்றம் செய்யப்பட்டு சில பகுதிகளுடன் நிறுத்தப்பட்டது.
• இந்த தொடர் ஹிந்தி மொழியில் வாணி ராணி என்ற பெயரில் மறு தயாரிப்பு செய்யப்பட்டு & தொலைக்காட்சியில் ஒளிபரப்பானது.
• பெங்காலி மொழியில் சீமரேகா என்ற பெயரில் மறுதயாரிப்பு செய்யப்பட்டது, இந்த தொடரின் கதை மாற்றப்பட்டுள்ளது என்பது குறிப்பிடத்தக்கது.

• இந்த தொடரை சன் தொலைக்காட்சி மற்றும் சன் தொலைக்காட்சி எச்டி (உயர் வரையறு தொலைக்காட்சி) மூலம் உலகம் முழுதுவதும் ((ஆசியா: இலங்கை, தென்கிழக்காசியா), ஐரோப்பா, அமெரிக்காக்கள், மத்திய கிழக்கு நாடுகள்) போன்ற நாடுகளில் பார்க்க முடியும்.
• இந்த தொடரின் பகுதிகள் ராடன் மீடியா என்ற யூடியூப் அலைவரிசை மூலம் எப்பொழுது பார்க்கமுடியும்.
• சன் நெக்ட்ஸ் என்ற இணைய மூலமாகவும் இந்த தொடரை பார்க்க முடியும்.
• இலங்கையில் உள்ள தமிழ் தொலைக்காசி சேவையான வசந்தம் தொலைக்காட்சியில் இந்த தொடர் திங்கள் முதல் வெள்ளி வரை இரவு 8:30 மணிக்கு சிங்களம் உபதலைப்புடன் ஒளிபரப்பானது .

• இணையதள திரைப்பட தரவுத்தளத்தில் வாணி ராணி