விக்கிப்பீடியா:செய்திகளில்

WP:ITN

கன்னட எழுத்தாளர் பானு முஷ்டாக் அவரது "ஹார்ட் லாம்ப்" என்ற சிறுகதைத் தொகுதிக்காக பன்னாட்டு புக்கர் பரிசை வென்றார்.
உருகுவையின் முன்னாள் அரசுத்தலைவர் ஒசே முகிக்கா (படம்) தனது 89 ஆவது அகவையில் காலமானார்.
அமெரிக்காவில் பிறந்த கர்தினால் இராபர்ட் பிரான்சிசு பிரீவோசுட் திருத்தந்தை பதினான்காம் லியோ என்ற பெயரில் கத்தோலிக்கத் திருஅவையின் 267ஆம் திருத்தந்தையாகத் தேர்ந்தெடுக்கப்பட்டார்.
பிரதமர் அந்தோனி அல்பனீசி தலைமையிலான ஆத்திரேலியத் தொழில் கட்சி நாடாளுமன்றத் தேர்தலில் பெரும்பான்மையைப் பெற்று மீண்டும் ஆட்சியில் அமர்ந்தது.

அண்மைய இறப்புகள்: யோசப் பொன்னையா • கி. கஸ்தூரிரங்கன் • குமரி அனந்தன்

தொடர் நிகழ்வுகள்: இசுரேல்-அமாசு போர் • பிற நிகழ்வுகள்

முன்பக்கத்தில் இடம் பெறும் செய்திகளில் பிரிவு தற்போது நடைபெறும் நிகழ்வுகள் தொடர்புபட்ட கட்டுரையை நேரடியாக முன்பக்கத்தில் காட்சிப்படுத்தி, செய்தியை வழங்கி வருகின்றது. இது விக்கிப்பீடியாவை பெரும் கலைக்களஞ்சியமாக உருவாக்குதல் என்ற மைய நோக்கத்திற்கு உதவி செய்கிறது.

விக்கிப்பீடியா ஒரு இணை செய்தித்தாள் அல்ல, புத்தாக்க ஆய்வு என்பது இங்கும் கடைப்பிடிக்கப்படுகின்றது.

நோக்கம்

வாசிப்பவர்கள் விரைவாக செய்தி தொடர்பான கட்டுரைகளைக் கண்டுபிடித்து வாசிக்க உதவுதல்.
தரமான கட்டுரைகளைக் காட்சிப்படுத்த உதவுதல்.
வாசிப்பவர்கள் குறித்த விடயத்தில் ஆர்வமாக இல்லாவிடினும், அவர்கள் ஆர்வத்தை தூண்ட உதவுதல்.
விக்கிப்பீடியாவை ஊக்கமிக்க வளமாக மாற்றுதல்.

செய்திக்கான தகுதிகள்

செய்திக்கான "குறிப்பிடத்தக்க" முக்கியத்துவமுள்ள விடயம் கொண்டிருத்தல்
கட்டுரை இற்றைப்படுத்தப்பட்டு, நடப்புச் செய்தியைக் கொண்டதாக இருத்தல்.
செய்தியுடன் தொடர்புடைய கட்டுரை இணைக்கப்பட்டு இருத்தல் வேண்டும்.

பிரிவுகள்

படிமங்கள்

கட்டுப்பட்ட உள்ளடக்கம் கொண்ட படிமங்களை காட்சிப்படுத்த முடியாது. ஆகவே விக்கிமீடியா பொதுவகத்தில் உள்ள படிமங்கள் ஏற்புடையவை. ஆயினும், அவற்றின் பதிப்புரிமம் தொடர்பான நிலையைக் கண்டு காட்சிப்படுத்துவது ஏற்புடையது.

அண்மைய இறப்பு

அண்மைய இறப்பு தொடர்பான, குறிப்பிடத்தக்க நபர்களை இங்கு இடலாம். இறப்பு தொடர்பில் தனியான, குறிப்பிடத்தக்க கட்டுரை இருந்தால் மட்டும் இப்பகுதியில் இடுவதைத் தவிர்த்து மேலுள்ள பகுதியில் இடலாம். எ.கா: ஒசாமா பின் லாடனின் மரணம்