சுஜாதா (எழுத்தாளர்)

எஸ். ரங்கராஜன்
எழுத்தாளர் சுஜாதா
பிறப்பு	எஸ். ரங்கராஜன் (1935-05-03)மே 3, 1935 திருவல்லிக்கேணி, சென்னை, இந்தியா
இறப்பு	பெப்ரவரி 27, 2008(2008-02-27) (அகவை 72) சென்னை, இந்தியா
புனைபெயர்	சுஜாதா
தொழில்	பொறியாளர், எழுத்தாளர்
தேசியம்	இந்தியர்
துணைவர்	சுஜாதா ரங்கராஜன்
பிள்ளைகள்	கேசவா பிரசாத், ரங்கா பிரசாத்

ஸ்ரீ. ரங்கராஜன் (Sujatha, 3 மே 1935 – 27 பெப்ரவரி 2008) சுஜாதா எனும் புனைப்பெயரில் பரவலாக அறியப்படும் தமிழில் எழுதிய ஓர் இந்தியப் புதின எழுத்தாளர் திரைக்கதை எழுத்தாளர் ஆவார்.இவர் 100க்கும் மேற்பட்ட புதினங்கள், 250 சிறுகதைகள், 10 அறிவியல் நூல்கள், 10 மேடை நாடகங்கள் ,ஒரு சில கவிதைகளை எழுதியுள்ளார்.இவர் தமிழ் இலக்கியத்தில் பரவலாக அறியப்படும் எழுத்தாளர்களில் ஒருவராகவும், ஆனந்த விகடன், குமுதம் மற்றும் கல்கி போன்ற தமிழ் இதழ்களில் தொடர்ந்து பங்களிப்பாளராகவும் இருந்தார்.மேலும், குமுதத்தின் ஆசிரியராக சிறிது காலம் பணியாற்றினார். பல தமிழ் படங்களுக்கு திரைக்கதைகள், வசனங்களையும் எழுதியுள்ளார்.

சீரங்கம் ஆண்கள் உயர்நிலைப் பள்ளியில் பள்ளிப் படிப்பை முடித்த சுஜாதா, திருச்சி தூய வளனார் கல்லூரியில் பி.எஸ்சி. (இயற்பியல்) படிப்பை முடித்தார். அதன் பின்னர் சென்னை வந்த சுஜாதா, குரோம்பேட்டை எம்.ஐ.டி.யில் பி.இ. (மின்னணுவியல்) கற்றார். திருச்சி தூய வளனார் கல்லூரியில், அப்துல் கலாம், சுஜாதா இருவரும் ஒரே வகுப்பில் படித்தார்கள்.^{[சான்று தேவை]}

அதன் பின்னர் நடுவண் அரசுப் பணியில் சேர்ந்தார். டெல்லியில் முதலில் பணியாற்றினார். 14 ஆண்டுகள், அரசுப் பணியில் இருந்த சுஜாதா, பின்னர் பெங்களூர் பாரத் எலக்ட்ரானிக்ஸ் நிறுவனத்தில் இணைந்தார். அங்கு ரேடார்கள் குறித்த ஆய்வுப் பிரிவிலும், மேலும் பல்வேறு பொறுப்புகளிலும் பணியாற்றினார். பின்னர் பொது மேலாளராக உயர்ந்தார். பதவியிலிருந்து ஓய்வு பெற்ற பின்னர் சென்னைக்குத் திரும்பினார்.

அறிவியலை, ஊடகம் மூலமாக, மக்களிடம் கொண்டு சென்றதற்காக,இவரைப் பாராட்டி, 'தேசிய அறிவியல் தொழில்நுட்பக் கழகம்'இவருக்கு 1993-ஆம் ஆண்டு விருது வழங்கிக் கெளரவித்தது.^{[சான்று தேவை]}

மின்னணு வாக்குப் பதிவுப் பொறியை உருவாக்க முக்கியக் காரணமாக இவர் இருந்தார்.^{[சான்று தேவை]} இதை உருவாக்கிய பாரத் எலெக்ட்ரானிக்ஸ் நிறுவனத்தில் முக்கிய உறுப்பினராக இருந்தார் சுஜாதா.

இப்பொறியை உருவாக்கியதற்காக இவருக்கு வாஸ்விக் விருது வழங்கப்பட்டது.^{[சான்று தேவை]}

சுஜாதாவின் எழுத்துப் பணியைப் பாராட்டி, இவருக்கு தமிழக அரசின் கலைமாமணி விருதும் வழங்கப்பட்டுள்ளது.

இவருடைய, "இடது ஓரத்தில்" என்ற சிறுகதை 1962-ஆம் ஆண்டு குமுதம் இதழில் ரங்கராஜன் என்ற பெயரில் வெளிவந்தது. குமுதம் ரா.கி. ரங்கராஜனின் பெயரும் இவர் பெயரும் குழப்பிக் கொள்ளப்பட்டதால் தன் மனைவி பெயரான, 'சுஜாதா'வைத், தன் புனைப்பெயராக வைத்துக் கொண்டார். கணையாழி இதழில் கடைசிப் பக்கங்கள் எனும் கட்டுரைத் தொடரை ஸ்ரீரங்கம் எஸ்.ஆர். எனும் பெயரிலும் எழுதி வந்தார்.

சுஜாதா இலக்கியம், நாட்டார் வழக்காறு, தமிழ்ச் செவ்விலக்கியம், துப்பறியும் கதை, அறிவியல் கதை, சிறுகதை, புதினம், குறும் புதினம், நாடகம், திரைப்படம், கணிப்பொறியியல், இசை என்று பல பாணிகளிலும் வகைகளிலும் எழுதியுள்ளார். புதினங்கள், சிறுகதைகள், நாடகங்கள், தொகை நூல்கள் என இருநூறிற்கும் மேற்பட்ட நூல்கள் எழுதியுள்ளார். ஒரு கவிதைத் தொகுப்பும் படைத்துள்ளார்.

அகரவரிசையில் . . .

1. தீண்டும் இன்பம்
2. குரு பிரசாத்தின் கடைசி தினம்
3. ஆகாயம்
4. காகித சங்கிலிகள்
5. மண்மகன்
6. மெரினா
7. மோதாமல் ஒரு நாளும் இரக்க வேண்டாம்
8. டி.என்.ஏ; 1995, குமுதம் தொடர்

1. "பூக்குட்டி"

1. அப்பாவின் ஆஸ்டின்
2. இரயில் புன்னகை
3. ஓலைப்பட்டாசு
4. சில சிறுகதைகள்
5. சில வித்தியாசங்கள்
6. தூண்டில் கதைகள்
7. நகரம், குமரிப்பதிப்பகம், நாகப்பட்டினம்-611001
8. நிஜத்தைத் தேடி
9. மத்திமர்
10. மீண்டும் தூண்டில் கதைகள்
11. வானமென்னும் வீதியிலே, குமரிப்பதிப்பகம், நாகப்பட்டினம்-611001.
12. ஸ்ரீரங்கத்துத் தேவதைகள்

1. நிலம் நீர் நெருப்பு காற்று ஆகாயம்

1. நைலான் ரதங்கள்

1. அடிமைகள்
2. அன்புள்ள அப்பா
3. ஊஞ்சல்
4. கடவுள் வந்திருந்தார்
5. சிங்கமைய்யங்கார் பேரன்
6. டாக்டர். நரேந்திரநாத்தின் வினோத வழக்கு
7. பாரதி இருந்த வீடு

1. ஆகாயம்
2. இடையன் மகள்
3. கதைகேளு பெண்ணே, கதைகேளு
4. கிருஷ்ணா! கிருஷ்ணா!
5. சரளா
6. சேகர்
7. பிரயாணம்
8. பெட்டி
9. மந்திரவாதி
10. மறுமணம்
11. மாறுதல்
12. முதல் நாடகம் (ஒரு கொலை)
13. முயல்
14. வந்தவன்
15. வாசல்

1. இன்னும் சில சிந்தனைகள்
2. உயிரின் ரகசியம்
3. எழுத்தும் வாழ்க்கையும்
4. கணையாழியின் கடைசி பக்கங்கள்
5. கற்றதும் பெற்றதும் [பாகம் 1,2,3,4]
6. கடவுள்; 2008
7. கடவுள் இருக்கிறாரா?
8. கடவுள்களின் பள்ளத்தாக்கு
9. சுஜாதா'ட்ஸ்
10. செய்தி சொல்லும் செயற்கைக்கோள்கள்
11. தமிழ் அன்றும் இன்றும்; உயிர்மை பதிப்பகம், சென்னை
12. தலைமை செயலகம்
13. திரைக்கதை எழுதுவது எப்படி?
14. நானோ டெக்னாலஜி
15. மிஸ் தமிழ்த்தாயே நமஸ்காரம்
16. ஜீனோம்
17. சிலிகான் சில்லு புரட்சி

1. ஏன் ? எதற்கு ? எப்படி ? [பாகம் 1,2]
2. சுஜாதா பதில்கள் (பாகம் 1, 2, 3)

• அனிதா இளம் மனைவி (இது எப்படி இருக்கு - திரைப்படம்)
• காயத்ரி
• கரையெல்லாம் செண்பகப்பூ
• ப்ரியா
• விக்ரம்
• வானம் வசப்படும்
• ஆனந்த தாண்டவம்
• சைத்தான்(திரைப்படம்)

• ரோஜா
• இந்தியன்
• ஆய்த எழுத்து
• அந்நியன்
• பாய்ஸ்
• முதல்வன்
• கண்டுகொண்டேன் கண்டுகொண்டேன்
• ஜீன்ஸ்
• உயிரே
• விசில்
• கன்னத்தில் முத்தமிட்டால்
• சிவாஜி த பாஸ்
• எந்திரன்
• வரலாறு
• செல்லமே

உடல் நிலை மோசமானதால் சென்னை அப்பல்லோ மருத்துவமனையில் சேர்க்கப்பட்ட சுஜாதா சிகிச்சை பலனின்றி பிப்ரவரி 27, 2008 இரவு 9.30 மணியளவில் மறைந்தார். மறைந்த ரங்கராஜனுக்கு அரங்கபிரசாத், கேசவ பிரசாத் என இரு மகன்கள் உள்ளனர். மகன்கள் இருவரும் அமெரிக்காவில் வசித்து வருகின்றனர். சுஜாதாவின் இறுதிச் சடங்குகள் 2008 பெப்ரவரி 29 அன்று சென்னை பெசன்ட் நகர் மயானத்தில் நடைபெற்றன.[1],^[1]

1. ↑ எழுத்தாளர் சுஜாதா மரணம் (தட்ஸ்டமில்.காம்)^{[தொடர்பிழந்த இணைப்பு]}

• அம்பலம் (சுஜாதா நிர்வகித்த இணைய இதழ்)
• சுஜாதாவின் வாழ்க்கைக் குறிப்பு
• தமிழ் நண்பர்களில் சுஜாதா பரணிடப்பட்டது 2011-08-26 at the வந்தவழி இயந்திரம்
• சுஜாதா - சிறுகதைகள்