Камерунда ислам

Камерунда ислам (фр. Islam au Cameroun, ингл. Islam in Cameroon, гарәп. الإسلام في الكاميرون‎ ) ― тарафдарлары саны буенча (христианлыктан кала) икенче урындагы дин. Халыкның 40 % тирәсе ― христианнар (күбесенчә католиклар), 25-30 % ― мөселманнар, калганнары ― традицион Африка диннәре тарафдарлары һ. б.^[1].

XVI гасырда мөселманнар Камерунның төньягына үтеп керә башлый. XVII гасыр башында хәзерге Камерунның төньягында Мандара иртә феодаль дәүләте барлыкка килә. 1715 елда Мандара хөкүмәте үз иленә мөселман вәгазьчеләрен уздыра һәм Мандара солтанлыкка әверелә. XIX гасырда фулани җиһады(ингл.)татар. ярдәме белән бөтен төньяк Камерун диярлек Сокото мөселман дәүләте(ингл.)татар. составына керә^[2], Илнең төньяк-көнчыгышы Адамава әмирлегенә(ингл.)татар. керә^[3]. Мөселман диненең көньякка үтеп керүенә тропик урманнар комачаулаган, шуңа күрә җирле Африка диннәре тотуын дәвам иткән көньяк Камерун кабиләләре арасында ислам таралмаган^[4].

XIX гасыр ахырында Камерун Алмания колониясенә әверелә. Алман колониаль идарәсе чорында мөселманнар кыерсытылмый һәм мөселман кануннарына һәм гореф-гадәтләренә зыян килми.

2013 елдан Боко Харам(ингл.)татар. төркеме Камерунның төньяк районнарында терактлар оештыра башлаган^[5].

Мөселманнар Камерун халкының (21 млн кеше) 25-30 % ын тәшкил итә^[6]. Камерун мөселманнарының 48 % ы ― суфичылык вәкиле, 27 % ы ― сөнниләр, 12 % ы әхмәдияләр һәм 3% ы — шигыйлар, калганнары үзләрен билгеле бер төркемгә кертеп карамый^[7].

• «Мусульмане мира: единство и разнообразие»
• 1615 L. Street, NW, Suite 800 Washington, DC 20036 202 419 4300 | Main 202 419 4349 | Fax 202 419 4372 | Media Inquiries. Chapter 1: Religious Affiliation. Pew Research Center’s Religion & Public Life Project (9 августа 2012)