SkyTat

Скайтат
	Скайтат
	; текст логосы
үткәрелү урыны:	Zoom(рус.)татар.
Оешма төре:	онлайн-аралашу клубы
Рәсми теле:	татар теле
Җитәкчеләр
Проект сүзчесе	Римма Гумироваd
Нигезләү
TATFORUM	2019
en / ru / tt
	аерым китап уку проекты эшли

SkyTat (тат. СкайТат яки лат. тат. SkayTat) — татар телендә Интернет-аша сөйләм аралашуы һәм бергәләп татар әдәбиятын тавышлы уку клубы. Zoom(рус.)татар. видеоконференцияләр платформасында эшләп тора.

2019 елда барлыкка килгән. Бөтендөнья татар конгрессы,^[1] Казан^[2] һәм Чаллы^[3] мэрияләре, ТР Мәгариф һәм фән министрлыгы^[4] һәм Мәдәният министрлыклары^[5] таныган шәхси инициатива.

Тарихы

Проект җитәкчесе Римма Гумирова^d 2019 елгы TATFORUM бүләкләү тантанасында сөйли

Мәскәү һәм Мәскәү өлкәсе татарлары оешмалары күптәннән бирле Әсәдуллаев йортында яшьләр өчен үткәрә торган программаларын Интернет-аша бар дөнья буйлап яшәүчеләргә ачу проекты буларак туа.^[6] 2019 елда Иннополиста үткән Бөтендөнья татар яшьләре форумы җыелышының проектлар бәйгесендә беренче булып чыга.^[1]

Проектта модератор буларак катнашучылар үз тәҗрибәсен уртаклаша,^[7]^[8]^[9] җитәкчеләре исә башка татар телле startup-ларны бәяләүдә эксперт^[3] һәм төрле конференцияләрдә модератор^[10] буларак даими катнаша.

Аерым бер суб-проект булган «SkyTat Китап уку клубы» 2020 елның март аеннан башлап эшли.^[11]^[12]

Процессы

Практик җыелышларны тәҗрибәле модераторлар җитәкли. Аралашу сессияләрендә беренче (танышып алу) катнашу бушлай тәкъдим ителә. Яшь буенча төрле төркемнәр каралган.

Кызыклы фактлар

Skyeng(рус.)татар. россияле шәхси онлайн-белем бирү платформасы хөрмәтенә аталган.
Җиңүче буларак танылганда, проект төркеме үз приз акчасын 2 нче урынны алган “Туйчылар” музеен ачмакчы булган Омскидан Наилә Галиевага тапшыра.^[1]^[6]
Брендингы Мәскәүнең «Югары икътисад мәктәбе» фәнни-тикшеренү университеты төркеме ярдәме белән булдырылды.^[13]
Проект исеме язылышына охшаш чех. skýtat сүзе төрле кулланылышларда татарчага тәкъдим итәргә^[14], бирергә^[15] яки очкылык тотарга (иләштерергә)^[16] буларак тәрҗемә ителә ала.