Андрэй Лявонцьевіч Сямёнаў

Андрэй Лявонцьевіч Сямёнаў
Дата нараджэння	25 кастрычніка 1900(1900-10-25)
Месца нараджэння	Вяземскі павет, Смаленская губерня, Расійская імперыя
Дата смерці	11 лютага 1982(1982-02-11) (81 год)
Грамадзянства	Расійская імперыя  СССР
Род дзейнасці	навуковец
Навуковая сфера	насенняводства
Месца працы	Навукова-практычны цэнтр НАН Беларусі па земляробстве
Навуковая ступень	доктар сельскагаспадарчых навук (1958)
Навуковае званне	прафесар
Альма-матар	Беларуская дзяржаўная сельскагаспадарчая акадэмія
Узнагароды

Андрэй Лявонцьевіч Сямёнаў^[1] (руск.: Андрей Леонтьевич Семёнов; 25 кастрычніка 1900 — 11 лютага 1982) — вучоны ў галіне селекцыі і насенняводства сельскагаспадарчых культур, доктар сельскагаспадарчых навук (1958), прафесар (1961). Заслужаны дзеяч навукі Беларускай ССР (1975).

Нарадзіўся ў сяле Юрэнева^[1][2] Вяземскага павета Смаленскай губерні (сучасны Вяземскі раён Смаленскай вобласці Расіі). У 1925 годзе скончыў Горацкі сельскагаспадарчы інстытут (сучасная Беларуская дзяржаўная сельскагаспадарчая акадэмія). Працаваў у навукова-даследчых установа РСФСР і БССР. З 1950 года ў Беларускім навукова-даследчым інстытуце земляробства на пасадзе загадчыка аддзела селекцыі, з 1956 года — аддзела шматгадовых траў, у 1964—1975 гадах — аддзела канюшыны.

Аўтар навуковых прац па селекцыі і насенняводству шматгадовых траў. Займаўся распрацоўкай методыкі селекцыі траў на аснове біятыпічнага адбору. Сааўтар шэрагу сартоў люцэрны пасяўной, канюшыны, аўсяніцы лугавой, купкоўкі зборнай, райграсу і інш.

Сярод апублікаваных прац:

• Семеноводство многолетних трав. 2 изд. — Мн., 1975. (разам з К. С. Уласавай).

• Сямёнаў Андрэй Лявонцьевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 345. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сямёнаў Андрэй Лявонцьевіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 64. — 583 с., іл. — 10 000 экз.

• Беларусь у інфармацыйнай прасторы. Беларускі каляндар. 2020. Студзень. Архівавана 25 лютага 2020. // Нацыянальная бібліятэка Беларусі