Андрэй Уладзіміравіч Добры

Андрэй Уладзіміравіч Добры
Андрэй Уладзіміравіч Добры
Князь валынскі
	1119 — 1135
Папярэднік	Раман Уладзіміравіч
Пераемнік	Ізяслаў Мсціславіч
Князь пераяслаўскі
	1135 — 1141
Папярэднік	Вячаслаў Уладзіміравіч
Пераемнік	Ізяслаў Мсціславіч
Нараджэнне	1102; Пераяслаў, Пераяслаўскае княства, Кіеўская Русь;
Смерць	1141; Пераяслаў, Пераяслаўскае княства, Кіеўская Русь;
Месца пахавання	Пераяслаў;
Род	Рурыкавічы
Бацька	Уладзімір Манамах
Маці	невядома
Жонка	унучка Тугаркана
Дзеці	Уладзімір Андрэевіч, Яраполк Андрэевіч, Вячаслаў Андрэевіч
Веравызнанне	Праваслаўе
	Медыяфайлы на Вікісховішчы

Андрэй Уладзіміравіч (11 жніўня 1102 — 22 студзеня 1141, пазней называлі яшчэ і Добрым) — князь уладзіміра-валынскі з 1119 года, князь пераяслаўскі з 1135 года, малодшы сын вялікага князя кіеўскага Уладзіміра Манамаха.

У 1119 годзе, пасля смерці Рамана Уладзіміравіча, бацька пасадзіў Андрэя ва Уладзіміры-Валынскім.

З-за Валыні Андрэю прыйшлося ўступіць у барацьбу з князем Яраславам Святаполчычам, сынам былога вялікага князя Святаполка Ізяславіча, які княжыў на Валыні да разрыву з Манамахам. Яраслаў заклікаў на дапамогу палякаў, венграў і чэхаў, але быў забіты ў 1123 годзе пры аблозе Уладзіміра-Валынскага.

У 1128 годзе Андрэй разам з іншымі князямі быў пасланы сваім братам, вялікім князем Мсціславам, выгнаць полацкіх князёў. У 1135 годзе Андрэй сеў княжыць у Пераяславе і здолеў абараніць гэты сталец ад замахаў вялікага князя кіеўскага Усевалада Ольгавіча, варожага да Манамахавічаў. Стаўшы кіеўскім князем, Усевалад Ольгавіч даў брату Святаславу ў княжанне Курск і паабяцаў Пераяслаў. Святаслаў пайшоў з Курска на Пераяслаў ваяваць з Андрэем Уладзіміравічам, але быў разбіты.

Пахаваны ў Пераяславе, у царкве Святога Міхаіла.