Беларусь перадусім!

Беларусь перадусім! — патрыятычны заклік-спокліч, скіраваны на абуджэнне нацыянальна-грамадзянскіх пачуццяў, кансалідацыю беларусаў у абарону свабоды, незалежнасці сваёй краіны, роднай мовы, усёй нацыянальнай культуры. Аднак гэты спокліч значна меней вядомы за «Жыве Беларусь!».

У мастацтве

Беларускі нацыянальны дзеяч у Заходняй Беларусі (Польскай Рэспубліцы) Альбін Стаповіч напісаў песню «Беларусь перадусім!», у якой была прыпеўка:

Дык ці ў шчасьця дзень пагодны,
Ці у бурым дні благім
Знайма першы кліч народны:

Беларусь перадусім!

Пазней гэтая песня стала гімнам Саюза беларускай моладзі і ўвайшла ў «Юнацкі сьпеўнік»^[1].

Крама нацыянальнай беларускай сімволікі «Мой модны кут» выпусціла серыю цішотак, на якіх, акрамя малюнка, напісаны спокліч «Беларусь перадусім»^[2].

Надпіс «Беларусь перадусім» нанесены на адваротны бок медаля «Гонар і Годнасць», заснаванага ў 2023 годзе Аб’яднаным пераходным кабінетам Беларусі для ўзнагароджання асоб, якія праявілі выключную адданасць у служэнні Беларусі^[3].

Цікавінкі

15 лістапада 2016 года ў Гродне была прэзентаваная кніга, прысвечаная Генадзю Бураўкіну, пад назвай «Перадусім Беларусь»^[4].
У 2012 годзе гурт «JAR» выдаў альбом «Беларусь перадусім» з аднайменнай песняй у ім^[5].

Зноскі

Спасылкі

У СМІ

[1] Юнацкі спеўнік у электронным выглядзе

[2] Цішотка «Беларусь перадусім» Архівавана 8 ліпеня 2020.

[НН-3] Серабрыстая «Пагоня» ў лаўровым вянку: Кабінет зацвердзіў узнагароду за выключную адданасць у служэнні Беларусі

[4] «Перадусім Беларусь»: у Гродне ўзгадалі Генадзя Бураўкіна

[5] Беларусь перадусім

[1]

[2]

[3]

[4]

[5]