Берта Майсееўна Сосіна-Ізраіцель

Берта Майсееўна Сосіна-Ізраіцель
Дата нараджэння	13 (26) лютага 1903[1]
Месца нараджэння	Чавусы, Чавускі павет, Магілёўская губерня, Расійская імперыя
Дата смерці	23 кастрычніка 1982(1982-10-23)[1] (79 гадоў)
Месца смерці	Мінск, Беларуская ССР, СССР
Месца пахавання	Паўночныя могілкі
Грамадзянства	Беларусь
Род дзейнасці	вучоная, рэнтгенолаг, выкладчыца ўніверсітэта, загадчык кафедры
Месца працы	Мінскі медыцынскі інстытут Новасібірскі медыцынскі інстытут Беларускі дзяржаўны інстытут удасканалення ўрачоў
Навуковая ступень	доктар медыцынскіх навук[1] (1950)
Навуковае званне	прафесар (1951)[1]
Альма-матар	медыцынскі факультэт БДУ (1928)[1]
Узнагароды

Берта Майсееўна Сосіна-Ізраі́цель (13 лютага 1903, Чавусы — 23 кастрычніка 1982, Мінск) — беларуская вучоная ў галіне рэнтгеналогіі. Доктар медыцынскіх навук (1951), прафесар (1952). Заслужаны дзеяч навукі БССР (1967).

Скончыла медыцынскі факультэт Беларускага дзяржаўнага ўніверсітэта (1928). Асістэнт кафедры рэнтгеналогіі Мінскага медыцынскага інстытута (1934—1939). Загадчыца курсам рэнтгеналогіі пры кафедры прапедэўтыкі ўнутраных хвароб Мінскага медыцынскага інстытута (1939—1941). У час Вялікай Айчыннай вайны дацэнт курса рэнтгеналогіі Новасібірскага медыцынскага інстытута (1941—1944), адначасова кансультант ваеннага шпіталя. Дацэнт, загадчыца курсам рэнтгеналогіі пры кафедры прапедэўтыкі ўнутраных хвароб Мінскага медыцынскага інстытута (1944—1951). Загадчыца кафедры рэнтгеналогіі Беларускага інстытута ўдасканалення ўрачоў (1951—1977).

Старшыня Рэспубліканскага навуковага таварыства рэнтгенолагаў (1961—1977); член праўлення Усесаюзнага таварыства рэнтгенолагаў і радыёлагаў.

Навуковыя працы па пытаннях функцыянальнай рэнтгенадягностыкі пашкоджанняў органаў стравання і сардэчна-саcудзістай сістэмы.

• «Расстройство ритма сердца в рентгенокимографическом изображении», з сааўт., 1938;
• «Клиническая рентгенокимография сердца», 1939 (разам з М. М. Уладысікам);
• «О синистропозиции толстой кишки», с сааўт., 1939;
• «Клиника и диагностика желудочно-ободочно-кишечного свища», з сааўт., 1941;
• «О лечении воспалительных заболеваний рентгеновскими лучами», з сааўт., 1949;
• «К вопросу о рентгенодиагностике бронхиальных кист», з сааўт., 1957;
• «Значение рентгенокимографии сердца (25-летний опыт)», 1959;
• «Рентгенодиагностика хронических неспецифических воспалительных заболеваний легких», 1971 (разам з І. І. Лазюк, Л. А. Жакавай);
• «Рентгенодиагностика кист легких», 1971.

• Сосіна-Ізраіцель Берта Майсееўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 89. — 10 000 экз. — ISBN 985-11-0035-8. — ISBN 985-11-0251-2 (т. 15).
• Змачинская, Н. Ф. Заведующие кафедрами и профессора Минского медицинского института (1921—1996): биогр. справ. / Н. Ф. Змачинская, М. В. Мальковец, А. Н. Пересада. — Минск, 1999. — С. 274—276.
• Берта Моисеевна Сосина (к 100-летию со дня рождения) // Здравоохранение Белоруссии. — 2003. — № 6. — С. 61—62.

• Сосина-Израитель Берта Моисеевна (13(26).02.1903—23.10.1982) Архівавана 11 красавіка 2020. (руск.) // Сайт Беларускага дзяржаўнага медыцынскага ўніверсітэта
• Сосина-Израитель, Берта Моисеевна (доктор медицинских наук; 1903—1982)(недаступная спасылка) (руск.) // Нацыянальная бібліятэка Беларусі
• Сосіна-Ізраіцель Берта Майсееўна на сайце анлайн-энцыклапедыі «Беларусь у асобах і падзеях»