Будынак пажарнага дэпо (Баранавічы)

Славутасць
Будынак пажарнага дэпо
53°07′58″ пн. ш. 26°02′41″ у. д.HGЯO
Краіна	Беларусь
Горад	Баранавічы
Архітэктурны стыль	канструктывізм
Дата пабудовы	ХХ стагоддзе
Статус	Гісторыка-культурная каштоўнасць Беларусі, шыфр 113Г000047шыфр 113Г000047
Медыяфайлы на Вікісховішчы

Будынак пажарнага дэпо — будынак у горадзе Баранавічах. Знаходзіцца на вуліцы Тэльмана, 21. Па свайму функцыянальнаму прызначэнню выкарыстоўваецца толькі першы паверх дэпо.

Пабудаваны ў стылі канструктывізму ў сярэдзіне 1930-х гадоў як пажарнае дэпо для Палескага раёна горада. З цэглы, атынкаваны, чатырохпавярховы, вышынёй каля 23 м.

Першы паверх — адміністрацыйныя памяшканні і пажарнае дэпо — два прамавугольныя ў плане будынкі, размешчаныя пад вуглом адзін да другога, аб’яднаныя адзіным уваходам і пажарнай каланчой, вугал скошаны. Дах шыферны, вальмавы, у месцы судакранання будынкаў — складанай канструкцыі. У цэнтры — арачны ўглублёны ўваход, аздоблены пілястрамі і трохвугольным франтонам. Аконныя праёмы прамавугольныя без дэкаратыўнага аздаблення.

Над асноўным будынкам — трохпавярховая каланча неправільнай шасцівугольнай формы, апошні паверх значна вузейшы ў плане, па перыметру мае круглую аглядальную пляцоўку, абнесеную металічнай агароджай, плоскі дах і грамаадвод. На кожнай сцяне каланчы па аднаму акну для добрай магчымасці агляду^[1].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000047

• На Вікісховішчы ёсць медыяфайлы па тэме Будынак пажарнага дэпо (Баранавічы)
• Будынак пажарнага дэпо (Баранавічы) на сайце Глобус Беларусі (руск.)
• Будынак пажарнага дэпо (Баранавічы) на сайце «Архіварта»