Вадзім Аляксеевіч Салееў

Вадзім Аляксеевіч Салееў
руск.: Вадим Алексеевич Салеев
Дата нараджэння	27 мая 1939(1939-05-27) (85 гадоў) ці 1939[1]
Месца нараджэння	Ленінград, РСФСР, СССР
Грамадзянства	СССР  Беларусь
Род дзейнасці	філосаф, педагог, тэатральны крытык, культуролаг, мастацкі крытык, пісьменнік, выкладчык універсітэта
Навуковая сфера	філасофія[2], эстэтыка[2], культуралогія[2], тэатральная крытыка[d][2], арт-крытыка[d][2] і літаратура[2]
Месца працы	БНТУ Мастацтва Цэнтр даследаванняў беларускай культуры, мовы і літаратуры НАН Беларусі Нацыянальны інстытут адукацыі Беларуская дзяржаўная акадэмія мастацтваў
Навуковая ступень	доктар філасофскіх навук (1992)
Навуковае званне	прафесар[d] (1994)
Альма-матар	філалагічны факультэт БДУ (1962) філасофскі факультэт МДУ[d] (1972)
Член у	Беларускі саюз літаратурна-мастацкіх крытыкаў БСТД
Узнагароды

Вадзім Аляксеевіч Сале́еў^[3] (руск.: Вадим Алексеевич Салеев; нар. 27 мая 1939) — філосаф, культуролаг, мастацкі крытык, доктар філасофскіх навук (1992), прафесар (1994), Заслужаны дзеяч культуры Рэспублікі Беларусь (2000).

Вадзім Аляксеевіч Салееў нарадзіўся 27 мая 1939 года ў Ленінградзе. У 1962 годзе скончыў рускае аддзяленне філалагічнага факультэта Беларускага дзяржаўнага ўніверсітэта. У 1967 годзе паступіў у аспірантуру кафедры эстэтыкі філасофскага факультэта Маскоўскага дзяржаўнага ўніверсітэта імя М. В. Ламаносава і ў 1972 годзе абараніў кандыдацкую дысертацыю на тэму «Да праблемы фарміравання мастацкай ацэнкі»^[4]. Працаваў у Беларускім політэхнічным інстытуце, дзе прайшоў шлях ад выкладчыка да прафесара кафедры філасофіі^[5]. З 1995 па 2002 год займаў пасаду галоўнага рэдактара часопіса «Асновы мастацтва», з 2002 па 2004 — галоўны рэдактара часопіса «Мастацтва», з 2013 года — галоўны рэдактар навукова-метадычнага часопіса «Артэфакт»^[4]. Адначасова з 1996 года загадчык аддзела Нацыянальнага інстытута адукацыі Міністэрства адукацыі Рэспублікі Беларусь^[3].

Член Беларускага саюза літаратурна-мастацкіх крытыкаў з 1997 года, член Беларускага саюза тэатральных дзеячаў з 1962 года.

В. А. Салееў з’яўляецца адным з найбуйнейшых спецыялістаў СНД у галіне філасофіі, культуралогіі і эстэтыкі^[4]. Яму належаць працы па праблемах славянскай і беларускай культуры, тэорыі мастацтва, мастацкай крытыкі, эстэтычнага і мастацкага выхавання, развіццю канцэпцыі развіцця нацыянальнай культуры, методыкі артстрэстэрапіі, артстрэпедагогікі і інш. Аўтар больш за 400 навуковых і навукова-метадычных работ (у тым ліку 9 манаграфій і 6 навучальных дапаможнікаў), больш за 600 артыкулаў у галіне тэатра, літаратуры, архітэктуры і кіно^[4]. У літаратурнай творчасці В. А. Салееў рэалізаваў сябе ў філасофскай паэзіі і навелістыцы пад літаратурным псеўданімам Вадзім Яр^[4].

Галоўны навуковы супрацоўнік навукова-даследчага аддзела Беларускай дзяржаўнай акадэміі мастацтваў^[6]. Член Савета па абароне дысертацый Цэнтра даследаванняў беларускай культуры, мовы і літаратуры і Інстытута філасофіі Нацыянальнай акадэміі навук Беларусі^[7].

• Медаль Францыска Скарыны (2019)
• Заслужаны дзеяч культуры Рэспублікі Беларусь (2000)

• Фатыхава Г. А. Салееў Вадзім Аляксеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 107. — 10 000 экз. — ISBN 985-11-0035-8. — ISBN 985-11-0238-5 (т. 14).

• Вадзім Аляксеевіч Салееў на сайце анлайн-энцыклапедыі «Беларусь у асобах і падзеях»
• Нашы выпускнікі: Салееў Вадзім Аляксеевіч // Сайт філалагічнага факультэта БДУ
• Аляксей Стрэльнікаў  (ВД) (бел. «Нязручны» інтэлектуал Архівавана 9 ліпеня 2021. // Газета «Культура», № 22 (1409) 01.06.2019 — 07.06.2019 г.
• Салеев Вадим Алексеевич Архівавана 3 кастрычніка 2019. (руск.) // Цэнтр даследаванняў беларускай культуры, мовы і літаратуры НАН Беларусі