Васіль Васілевіч Кошалеў

Васіль Васілевіч Кошалеў
Дата нараджэння	21 снежня 1856 (2 студзеня 1857)
Месца нараджэння	Равэнькы, Q15177636?, Міуская акруга[d], зямля Войска Данскога, Расійская імперыя
Дата смерці	каля 1925
Месца смерці	Гродна, Гродзенскі павет, Беластоцкае ваяводства, Польская Рэспубліка
Месца пахавання	Праваслаўныя могілкі ў Гродне
Род дзейнасці	урач, эпідэміёлаг
Навуковая сфера	эпідэміялогія і ахова здароўя
Месца працы	Харкаўскі нацыянальны ўніверсітэт імя В. Н. Каразіна
Навуковая ступень	доктар медыцыны[d]
Альма-матар	Харкаўскі нацыянальны ўніверсітэт імя В. Н. Каразіна
Узнагароды

Васіль Васілевіч Кошалеў (2 студзеня 1857 (21 снежня 1856), слабада Равянькі, Вобласць Войска Данскога — каля 1925, г. Гродна) — беларускі ўрач. Доктар медыцыны (1901)^[1]. Спецыяліст у галіне інфекцыйных хвароб, сапраўдны стацкі саветнік^[2].

Нарадзіўся ў сям’і святара^[3]. У 1880 годзе скончыў медыцынскі факультэт Харкаўскага ўніверсітэта^[2] ў званні павятовага ўрача^[3].

Адразу пасля ўніверсітэта быў накіраваны на пасаду гарадскога ўрача ў г. Расіены Ковенскай губерні. Праз год, у лютым 1881 года быў перамешчаны ў мястэчка Клімавічы на пасаду павятовага, а потым і гарадскога ўрача, дзе затрымаўся да 1886 года^[3].

Пазней працаваў сельскім урачом Рагачоўскага павета (1886—1892), ардынатарам богаўгодных устаноў у Магілёве. Паралельна складаўся ўрачом пры Магілёўскай духоўнай семінарыі^[3].

2 жніўня 1901 года В. Кошалеў быў прызначаны памочнікам таўрычаскага губернскага ўрачэбнага інспектара^[3].

З 7 сакавіка 1903 года В. Кошалеў выконвае абавязкі эстляндскага губернскага ўрачэбнага інспектара, а праз год, з лютага 1904 года перамешчаны на аналагічную пасаду ў Гродзенскую губерню^[1]. Акрамя непасрэдных абавязкаў з’яўляўся дырэктарам дзіцячага прытулка Гродзенскага дабрачыннага таварыства, членам санітарна-выканаўчай камісіі Таварыства ўрачоў Гродзенскай губерні^[3].

У час Першай сусветнай вайны пасля адступлення рускай арміі ад Гродна гродзенскае губернскае праўленне, а з ім і В. Кошалеў з сям’ёй, было эвакуіравана ў Калугу. Але не прыняўшы савецкай улады, сужэнцы Кошалевы прынялі рашэнне аб вяртанні ў Гродна, які знаходзіўся на тэрыторыі Польскай рэспублікі, і дзе засталася магіла іх адзінага сына^[3].

У 1925 годзе стаў главой гарадскога аддзялення Рускага дабрачыннага таварыства^[3].

Памёр позняй восенню 1925 года на 69 годзе жыцця^[3]. Пахаваны на Праваслаўных могілках г. Гродна.

Працы па даследаванні санітарнага стану гарадоў Беларусі, барацьбе з дыфтэрыяй і халерай у Беларусі^[1]. Вынікам стараннага вывучэння санітарнага стану Магілёва (водазабеспячэнне, цесната насельніцтва, выдаленне бруду і іншае) з’явілася дысертацыя^[4][5][6]. Таксама В. Кошалеў падрабязна асвятліў ход халернай эпідэміі 1893 года ў горадзе і меры, што прымаліся супраць яе. Прывёў дадзеныя аб неўспрымальнасці арганізма да хваробы пры пэўных умовах, выказаўся за неабходнасць пастаянных санітарных і думскіх лекараў, за санітарнае добраўпарадкаванне Магілёва, правільную рэгістрацыю захворвання і смяротнасці, паляпшэнне водазабеспячэння^[4].

• «Медико-топографическое описание г. Могилёва на Днепре» (1901)

Заснавальнік і першы старшыня гродзенскага гарадскога Рускага дабрачыннага таварыства (1925).

З яго ініцыятывы ў 1904 годзе адбыўся другі з’езд сельскіх урачоў губерні.

Быў жанаты з Юліяй Усцінаўнай Кржывіцкай (?-1924). Мелі сына Яўгена, які памёр маладым (9.12.1886 — каля 1911)^[7].

• ордэн Святога Станіслава 3 ступені
• ордэн Святой Ганны 3 ступені
• медаль «У гонар валадарання імператара Аляксандра III»
• ганаровы знак Расійскага таварыства Чырвонага крыжа

На 1910 жыў у Гродне ў Жандармскім завулку ў доме Палявой^[8].

• Кошелев Василий Васильевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 327. — 737 с.
• Гродненский Православный некрополь (с древнейших времен до начала XX века) / В. Н. Черепица. — Гродно, 2001. (Даты жизни: 1856—1925.)
• Медико-топографическое описание города Могилева на Днепре : диссертация на степень доктора медицины Василия Васильевича Кошелева. ― Санкт-Петербург, 1901.
• Беларуская энцыклапедыя. У 18 т. Т. 8. — Мінск, 1999. (Даты жизни: 1856—около 1915.)