Вера Паўлаўна Дзеева

Вера Паўлаўна Дзеева
руск.: Вера Павловна Деева
Дата нараджэння	10 жніўня 1926(1926-08-10)
Месца нараджэння	Санкоўскі раён, Цвярская вобласць, РСФСР, СССР
Дата смерці	19 студзеня 2016(2016-01-19) (89 гадоў)
Месца смерці	Мінск, Беларусь
Грамадзянства	СССР,  Беларусь
Род дзейнасці	вучоная
Навуковая сфера	фізіялогія раслін
Месца працы	Беларускі навукова-даследчы інстытут земляробства, Інстытут эксперыментальнай батанікі імя В. Ф. Купрэвіча НАН Беларусі, Беларускі дзяржаўны ўніверсітэт
Навуковая ступень	доктар біялагічных навук
Навуковае званне	прафесар
Альма-матар	Маскоўская сельскагаспадарчая акадэмія імя К. А. Ціміразева
Навуковы кіраўнік	Сяргей Міхайлавіч Маштакоў
Партыя	КПСС
Узнагароды

Вера Паўлаўна Дзе́ева^[1] (руск.: Вера Павловна Деева; 10 жніўня 1926 — 19 студзеня 2016) — вучоны ў галіне фізіялогіі раслін, доктар біялагічных навук (1974), прафесар (1990).

Нарадзілася ў вёсцы Горкі Цвярской губерні РСФСР (у сучасным Санкоўскім раёне Цвярской вобласці Расіі^[1]). Скончыла сярэднюю школу і паступіла на факультэт аграхіміі і глебазнаўства Маскоўскай сельскагаспадарчай акадэміі імя К. А. Ціміразева. Акадэмію скончыла ў 1949 годзе і была накіравана загадчыкам лабараторыі ў Льгоўскую машына-трактарную станцыю (Курская вобласць). У 1952—1955 гг. праходзіла навучанне ў аспірантуры пры Ленінградскім аддзяленні Усесаюзнага навукова-даследчага інстытута ўгнаенняў, агратэхнікі і аграглебазнаўства. У 1955 годзе абараніла кандыдацкую дысертацыю на тэму «Эффективность различных приемов использования бора и марганца при выращивании столовых корнеплодов на дерново-подзолистой почве» і была прызначана на пасаду старэйшага навуковага супрацоўніка ў Беларускі навукова-даследчы інстытут земляробства ў горадзе Жодзіна. З 1961 года В. П. Дзеева працавала ў Інстытуце біялогіі АН БССР (сучасны Інстытут эксперыментальнай батанікі імя В. Ф. Купрэвіча НАН Беларусі). Таксама выкладала на біялагічным факультэце Беларускага дзяржаўнага ўніверсітэта.

В. П. Дзеевай належаць навуковыя працы па накіраванай рэгуляцыі росту і развіцця раслін, вывучэнні ўплыву фізіялагічна актыўных рэчываў (гербіцыдаў, рэтардантаў, стымулятараў) на фарміраванне ўстойлівасці і прадукцыйнасці розных генатыпаў раслін. Пад яе кіраўніцтвам абаронены 16 кандыдацкіх дысертацый. Яе распрацоўкі абаронены 14 аўтарскім пасведчаннямі і 4 патэнтамі.

Сярод апублікаванага:

• Физиологическое действие некоторых гербицидов на растения. / Маштаков С. М., Деева В. П., Волынец А. П. и др. Под ред. чл.-кор. АН СССР Ю. В. Ракитина — Мн., Наука и техника, 1971.
• Ретарданты-регуляторы роста растений / В. П. Деева; ред. Ю. В. Ракитин; АН БССР, Ин-т эксперим. ботаники им. В. Ф. Купревича. — Минск: Наука и техника, 1980. — 176 с.
• Регуляторы роста и урожай / В. П. Деева, З. И. Шелег ; АН БССР, Ин-т эксперим. ботаники им. В. Ф. Купревича. — Минск : Наука и техника, 1985.
• Избирательное действие химических регуляторов роста на растения: физиол. основы / В. П. Деева, З. И. Шелег, Н. В. Санько; АН БССР, Ин-т эксперим. ботаники им. В. Ф. Купревича. — Минск: Наука и техника, 1988. — 253 с. — ISBN 5-343-00274-9
• Регуляторы роста растений: механизмы действия и использование в агротехнологиях / В. П. Деева. — Минск : Белорус. наука, 2008. — 133 с. — ISBN 978‐985‐08‐1001‐4.

З 1961 года В. П. Дзеева займала пасаду вучонага сакратара, з 1971 года — старшыні Рэгіянальнага навуковага савета Акадэміі навук СССР па праблемах фізіялогіі і біяхіміі раслін Беларусі і Прыбалтыйскіх рэспублік. Таксама была старшынёй навукова-метадычнага савета Беларускага аддзялення таварыства «Веды» СССР.

• Медаль «За працоўную доблесць» (1976)
• Нагрудны знак «Вынаходнік СССР»
• Ганаровая грамата Нацыянальнай акадэміі навук Беларусі (2006)

• Дзеева Вера Паўлаўна // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 174. — 522 с. — 10 000 экз.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 102. — 10 000 экз. — ISBN 985-11-0035-8. — ISBN 985-11-0106-0 (т. 6).

• Дзеева, Вера Паўлаўна (доктар біялагічных навук; 1926—2016)(недаступная спасылка) // Нацыянальная бібліятэка Беларусі
• Деева Вера Павловна (руск.) // Інстытут эксперыментальнай батанікі імя В. Ф. Купрэвіча НАН Беларусі
• Ламан Н. А., Судник А. Ф. К 90-летию со дня рождения Веры Павловны ДЕЕВОЙ (1926—2016) Архівавана 13 кастрычніка 2019. (руск.) // Інстытут эксперыментальнай батанікі імя В. Ф. Купрэвіча НАН Беларусі
• День рождения профессора, доктора биол. наук Деевой Веры Павловны // Межведомственный научно-технологический центр «АГРОБИОТЕХ» (руск.)
• База патентов Беларуси(недаступная спасылка) (руск.)
• База патентов РФ на изобретения и промышленные образцы (руск.)