Вольга Аляксандраўна Лапо

Вольга Аляксандраўна Лапо
Дата нараджэння	19 красавіка 1948(1948-04-19) (77 гадоў)
Месца нараджэння	Гомель, Гомельская вобласць, БССР, СССР
Адукацыя	Беларускае дзяржаўнае харэаграфічнае вучылішча (1967) Мінскі інстытут культуры (1982)
Прафесія	балерына
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Вольга Аляксандраўна Лапо (19 красавіка 1948, Гомель) — беларуская артыстка балета. Узнагароджана медалём Францыска Скарыны (2020).^[1][2]

У 1967 годзе скончыла Беларускае харэаграфічнае вучылішча, у 1982 годзе — Мінскі інстытут культуры.

У 1967—1988 гадах — артыстка Дзяржаўнага тэатра оперы і балета Беларусі. Дэбютавала партыяй Сольвейг («Пер Гюнт» на музыку Э. Грыга).

Танцоўшчыца лірыка-драматычнага плана, з поспехам выступала ў камедыйных ролях. Выконвала галоўныя партыі ў класічных і сучасных балетах: Марыя («Бахчысарайскі фантан^[ru]» Б. Асаф’ева), Кітры («Дон Кіхот» Л. Мінкуса), Папялушка («Папялушка^[ru]» С. Пракоф’ева), Ева («Стварэнне свету» А. Пятрова), Каламбіна («Арлекінада» Р. Дрыга), Джулія («Альпійская балада» Я. Глебава), Фрыгія («Спартак^[ru]» А. Хачатурана), Радысачка («Чыпаліна^[ru]» К. Хачатурана), вальс («Шапеніяна^[ru]» на музыку Ф. Шапена).

У 1989—1992 працавала ў Дамаску (Сірыя), дзе арганізавала першую дзіцячую балетную школу ў Акадэміі мастацтваў.

Выкладчыца ў Беларускай дзяржаўнай харэаграфічнай гімназіі-каледжа.^[1]

У 2016 годзе ў выдавецтве «Чатыры чвэрці» выйшла дакументальная аповесць пра балет «Саркис и Лаппочка», галоўныя героі якой — Віктар Саркісьян і Вольга Лапо.^[3]

Муж — народны артыст Беларусі Віктар Саркісьян.^[1]

• Вольга Аляксандраўна Лапо // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

• Фуэтэ для брыдкага качаняці
•  Камертон. Віктар Саркісьян і Вольга Лапо