Генадзь Міхайлавіч Салавей

Генадзь Міхайлавіч Салавей
Старшыня Гомельскага абласнога выканаўчага камітэта 29 ліпеня 2019 — 21 снежня 2021
Прэзідэнт	Аляксандр Лукашэнка
Кіраўнік урада	Сяргей Румас
Папярэднік	Уладзімір Дворнік
Пераемнік	Іван Крупко
Старшыня Нясвіжскага раённага выканаўчага камітэта 5 сакавіка — 13 лістапада 2018
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас
Старшыня Клецкага раённага выканаўчага камітэта 2012 — 2018
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	1963(1963) Баранавіцкі сельсавет, Карэліцкі раён, Гродзенская вобласць, БССР, СССР
Партыя	Беспартыйны
Адукацыя	Беларуская дзяржаўная сельскагаспадарчая акадэмія (1988) Акадэмія кіравання пры Прэзідэнце Рэспублікі Беларусь (2012) Смілавіцкі дзяржаўны аграрны каледж

Гена́дзь Міха́йлавіч Салаве́й (1963, Туполы, Навагрудскі раён, Гродзенская вобласць) — беларускі дзяржаўны дзеяч.

Нарадзіўся ў 1963 годзе ў вёсцы Туполы^{[заўв 1]} Навагрудскага раёна Гродзенскай вобласці. Калі яму не было яшчэ і года, сям’я перабралася на радзіму бацькі ў вёску Качановічы Нясвіжскага раёна. Бацькі працавалі на калгаснай ферме, мама даяркай, тата — жывёлаводам. Паколькі вёска знаходзілася ўсяго за тры з паловай кіламетры ад Нясвіжа, Генадзь Салавей хадзіў у школу ў райцэнтр. Скончыў восем класаў СШ № 3 Нясвіжа, пасля вучыўся ў Смілавіцкім сельскагаспадарчым тэхнікуме^[1].

У 1988 г. скончыў Беларускую сельскагаспадарчую акадэмію. Да 1992 г. працаваў на розных пасадах сельскагаспадарчых арганізацый Нясвіжскага раёна Мінскай вобласці. Затым у гэтым жа раёне уладкаваўся на працу ў сельскагаспадарчы вытворчы кааператыў «Лань», дзе з 1992 па 1999 гг. прасоўваўся па службе і стаў старшынёй праўлення кааператыва «Лань-Нясвіж», а ў 2011 г. — дырэктарам ААТ «Лань-Нясвіж». У 2011 г. Акадэмію кіравання пры Прэзідэнце Рэспублікі Беларусь.

На працягу 2012—2018 гг. Генадзь Салавей працаваў у кіраўніцтве мясцовых органаў улады: з’яўляўся першым намеснікам, старшынёй Клецкага райвыканкама, узначальваў Нясвіжскі райвыканкам. З лістапада 2018 г. займаў пасаду першага намесніка старшыні Гомельскага аблвыканкама^[2]. 29 ліпеня 2019 года прызначаны на пасаду старшыні Гомельскага абласнога выканаўчага камітэта.

У 2020 годзе Салавей быў унесены ў санкцыйныя спісы краін Балтыі^[3][4].

Улетку 2021 года вакаліст гурта «Gods Tower» Уладзіслаў Наважылаў быў прысуджаны да трох гадоў абмежавання волі з накіраваннем у папраўчую ўстанову адкрытага тыпу (т. зв. «хіміі») за тое, што ён назваў Генадзя Салаўя «вельмі дурным парсюком» у каментарах на YouTube^[5][6].

21 снежня 2021 года Салавей быў вызвалены ад пасады старшыні Гомельскага абласнога выканаўчага камітэта. З 2022 года — генеральны дырэктар Гарадзейскага цукровага камбіната^[7].

У шлюбе з Галінай Станіславаўнай Салавей, з якой пазнаёміўся у час вучобы ў Беларускай сельскагаспадарчай акадэміі^[1]. Жонка пражывае ў а. Лань Нясвіжскага раёна. Мае дзвюх дачок — Юлію і Дарыну^[1].