Глухавіцкі сельсавет

Глухавіцкі сельсавет
Краіна	Беларуская ССР
Уваходзіў у	Брагінскі раён
Уключаў	8 населеных пунктаў
Адміністрацыйны цэнтр	Глухавічы
Дата ўтварэння	8 снежня 1926
Дата скасавання	8 студзеня 1987

Глу́хавіцкі сельсавет — былая адміністрацыйна-тэрытарыяльная адзінка ў складзе Брагінскага раёна Гомельскай вобласці БССР. Адміністрацыйны цэнтр — вёска Глухавічы.

Пасля другога ўзбуйнення БССР з 8 снежня 1926 года сельсавет у складзе Брагінскага раёна Рэчыцкай акругі БССР. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаваных Ільіцкага і Казялужцаўскага сельсаветаў. Пасля скасавання акруговага падзелу 26 ліпеня 1930 года ў складзе Брагінскага раёна БССР. З 20 лютага 1938 года ў складзе Палескай вобласці, з 8 студзеня 1954 года — Гомельскай вобласці. На 1 студзеня 1974 года ў складзе Глухавіцкага сельсавета 8 населеных пунктаў^[1]. 8 студзеня 1987 года сельсавет скасаваны, яго тэрыторыя далучана да Спярыжскага сельсавета^[2].

На момант скасавання ў склад сельсавета ўваходзілі 8 населеных пунктаў: вёскі Глухавічы, Ільічы, Казялужцы, Круг-Рудка, Нудзічы, Рафалаў, Ясменцы, пасёлак Рафалаў.

• Административно-территориальное устройство БССР: справочник: в 2 т. / А. И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.