Дзяржаўная Дума Расійскай Федэрацыі

Дзяржаўная Дума
Дзяржаўная Дума
	VI скліканне
Тып
Тып	Ніжняя палата Федэральнага сходу Расійскай Федэрацыі
Кіраўніцтва
Старшыня	Сяргей Яўгенавіч Нарышкін, Адзіная Расія ; з 21 снежня 2011 года
Структура
Членаў	450
Фракцыі	АР (343); КПРФ (42); ЛДПР (39); СР (23); пазафракцыйныя(2); Грамадзянская платформа; Радзіма; вакантныя (3);
Выбары
Сістэма галасавання	абіраецца грамадзянамі на аснове ўсеагульнага роўнага і прамога выбарчага права пры тайным галасаванні
Апошнія выбары	18 верасня 2016 года
Зала пасяджэнняў
Сайт
	www.duma.gov.ru

Дзяржаўная Ду́ма (у сродках масавай інфармацыі ўжываецца таксама скарачэнне Дзяржду́ма) — адна з палат Федэральнага сходу^[1]^[2] — парламента Расійскай Федэрацыі.

Прававы статус Дзяржаўнай Думы вызначаны ў пятай главе Канстытуцыі Расійскай Федэрацыі^[3].

Дзяржаўная Дума складаецца з 450 дэпутатаў^[2]. Дэпутатам Дзяржаўнай Думы можа быць абраны грамадзянін Расійскай Федэрацыі, які дасягнуў 21 года і мае права ўдзельнічаць у выбарах (прычым адна і тая ж асоба не можа быць адначасова дэпутатам Дзяржаўнай Думы і членам Савета Федэрацыі)^[4]. Дэпутатам Дзяржаўнай Думы першага склікання мог адначасова з’яўляцца член Урада Расійскай Федэрацыі (паводле пераходных палажэнняў Канстытуцыі Расійскай Федэрацыі).

Працу Дзяржаўнай Думы ўзначальваюць старшыня і яго намеснікі.

Гісторыя

Першая Дзяржаўная Дума абіралася разам з Саветам Федэрацыі ў дзень усенароднага галасавання па Канстытуцыі 12 снежня 1993 года тэрмінам на два гады (паводле пераходных палажэнняў прынятай Канстытуцыі).

Тэрмін паўнамоцтваў 2 — 5 скліканняў Дзяржаўнай Думы — чатыры гады. Пачынаючы з 6 склікання, дэпутатаў абіраюць тэрмінам на пяць гадоў^[5].

З 2007 года па 2011 год дэпутаты Дзяржаўнай Думы выбіраліся па прапарцыйнай сістэме (па партыйных спісах). Прахадны бар’ер складаў 7 %. Планавалася, што з 2016 года бар’ер будзе складаць 5 %, а выбары будуць праходзіць па змяшанай сістэме^[6].

Выбары ў Дзяржаўную Думу праводзіліся ў 1993, 1995, 1999, 2003, 2007, 2011 і 2016 гадах.