Доўгавічы

Доўгавічы
Краіна	Беларусь
Вобласць	Магілёўская
Раён	Мсціслаўскі
Сельсавет	Ракшынскі
Каардынаты	53°56′35″ пн. ш. 31°18′20″ у. д.HGЯO
Насельніцтва	▼261 чал. (2009);
Часавы пояс	UTC+3
Тэлефонны код	+375 2240
Паштовыя індэксы	213463
Аўтамабільны код	6
СААТА	7246804006

До́ўгавічы^[1] (трансліт.: Doŭhavičy, руск.: Долговичи) — вёска ў Мсціслаўскім раёне Магілёўскай вобласці Беларусі. Уваходзіць у склад Ракшынскага сельсавета.

Геаграфія

Вёска знаходзіцца за 33 км у напрамку на паўднёвы захад ад горада Мсціслаў^[2], за 80 км ад Магілёва^[2], за 14 км ад чыгуначнай станцыі Ходасы^[2], каля левага берага ракі Кашанка.

Гісторыя

У 1635 годзе сяло ў Пуцькаўскім войтаўстве Магілёўскай эканоміі Аршанскага павета, дзяржаўная ўласнасць. Працаваў млын, мелася карчма. У 1777 годзе сяло ў Чэрыкаўскай акрузе Магілёўскай губерні. У 1816 годзе 86 двароў, 466 жыхароў. У 1848 годзе 93 двары, драўляная царква. У 1870 годзе адкрыта школа, у якой у 1889 годзе навучаліся 41 хлопчык і 3 дзяўчынкі. У 1886 годзе 73 двары, 487 жыхароў, цэнтр воласці Чэрыкаўскага павета. Насельніцтва займалася земляробствам і сталярным промыслам. У 1897 годзе 113 двароў, 722 жыхары, 2 млыны, школа, царква, багадзельня, карчма, 2 разы ў год праводзіліся таржкі. У 1909 годзе 135 двароў, 727 жыхароў.

Савецкая ўлада ўстаноўлена у студзені 1918 года. У 1924 годзе адкрыта школа 1-ай ступені, у якой у 1925 годзе было 87 вучняў. У 1926 годзе 156 двароў, 882 жыхары. У 1930 годзе арганізавана камуна. У Вялікую Айчынную вайну з 14 ліпеня 1941 года да 29 верасня 1943 года вёска была акупіравана гітлераўцамі.

Да 2017 года вёска з’яўлялася цэнтрам Доўгавіцкага сельсавета^[3].

Насельніцтва

1816 год — 466 жыхароў, 86 двароў.
1886 год — 487 жыхароў, 73 двары.
1909 год — 727 жыхароў, 135 двароў.
1971 год — 731 жыхар, 239 двароў.
1997 год — 438 жыхароў, 187 двароў^[2].

Вядомыя ўраджэнцы

Аляксандр Данілавіч Аўсяннікаў (1907—1999) — генерал-маёр, ганаровы грамадзянін Валгаграда.
Яўген Іванавіч Качанаў (1919—1945) — Герой Савецкага Саюза.
Мікалай Іванавіч Сергеенка (нар. 1946) — вучоны ў галіне анестэзіялогіі і рэаніматалогіі, доктар медыцынскіх навук^[4].

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ ^а ^б ^в ^г Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6.
↑ Решение Могилевского областного Совета депутатов от 28 ноября 2017 г. № 31-4 О некоторых вопросах административно-территориального устройства Могилевской области
↑ Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).

Літаратура

Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 187.
Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 19. — 64 с. — 10 000 экз. — ISBN 978-985-508-173-0. (руск.)