Дыега Гадзін

Дыега Гадзін
Дыега Гадзін
Агульная інфармацыя
Мянушка	el Faraón
Нарадзіўся	16 лютага 1986[…] (39 гадоў); Rosario[d], дэпартамент Калонія, Уругвай;
Грамадзянства	Уругвай;
Рост	188 см
Вага	78 кг
Пазіцыя	цэнтральны абаронца
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ;
	Медыяфайлы на Вікісховішчы

Дыега Раберта Гадзін Леаль (ісп.: Diego Roberto Godín Leal; нар. 16 лютага 1986, Расарыа, Уругвай) — колішні уругвайскі футбаліст, абаронца. Ігрок нацыянальнай зборнай Уругвая. Хуткі абаронца, які спалучаў у сабе наяўнасць добрай фізічнай падрыхтоўкі з магчымасцю добра валодаць мячом.

Кар’ера

Клубная

У дарослым футболе дэбютаваў у 2003 годзе, дзякуючы выступам за клуб «Сера», у якім правёў тры сезоны, прыняўшы ўдзел у 63 матчах чэмпіянату. Большасць часу, праведзенага ў складзе «Сера», быў асноўным іграком абароны каманды. На працягу сезона 2006—2007 гадоў абараняў колеры ўругвайскага гранду «Насьяналь».

Сваёй гульнёй за апошнюю каманду прыцягнуў увагу прадстаўнікоў трэнерскага штаба клуба «Вільярэаль», у склад якога далучыўся ў жніўні 2007 года. У новым клубе правёў наступныя тры сезоны сваёй гульнявой кар’еры. Гуляючы «Вільярэале» таксама пераважна выходзіў на поле ў аснозным складзе каманды.

У склад клуба «Атлетыка» далучыўся 4 жніўня 2010 года і дэбютаваў за «матраснікаў» у пераможнай сустрэчы на Суперкубак УЕФА, дзе іспанскі клуб быў мацнейшым за італьянскі «Інтэрнацыянале» з лікам 2:0. З тых часоў стаў асноўным абаронцам мадрыдцаў і за наступныя гады атрымліваў з камандай перамогу ў Лізе Еўропы, а таксама яшчэ адзін раз у Суперкубку УЕФА. 7 мая 2019 года аб’явіў аб зыходзе з клуба пасля сканчэння сезона 2018/19^[5].

Міжнародная

26 кастрычніка 2005 года дэбютаваў у афіцыйных матчах у складзе зборнай Уругвая ў таварыскай гульні супраць зборнай Мексікі. У складзе зборнай быў удзельнікам розыгрышу Кубка Амерыкі 2007 года ў Венесуэле, чэмпіянату свету 2010 года ў Паўднёва-Афрыканскай Рэспубліцы і розыгрышу Кубка Амерыкі 2011 года ў Аргенціне, атрымаўшы ў тым годзе тытул кантынентальнага чэмпіёна.