Касцюкоўка (Гомельскі раён)

Вёска Касцюкоўка Краіна Беларусь Вобласць Гомельская Раён Гомельскі Сельсавет Яромінскі Каардынаты 52°32′23″ пн. ш. 30°54′41″ у. д.HGЯO Першая згадка XVIII стагоддзе Вышыня цэнтра 138 м[1] Насельніцтва ▲814 чал. (2019)[2] Часавы пояс UTC+3 Тэлефонны код +375 232 Паштовыя індэксы 247016 Аўтамабільны код 3 СААТА 3210832026 Касцюкоўка на карце Беларусі ±

Касцюкоўка на Вікісховішчы

Касцюко́ўка^[3] (трансліт.: Kasciukoŭka, руск.: Костюковка) — вёска ў Гомельскім раёне Гомельскай вобласці. Уваходзіць у склад Яромінскага сельсавета.

У 5 км на поўнач ад Гомеля, на шашы Доўск — Гомель.

Планіроўка складаецца з просталінейнай, амаль шыротнай вуліцы, да якой на захадзе далучаецца кароткая просталінейная вуліца, на ўсходзе — завулак. Забудова двухбаковая, у асноўным драўляная, сядзібнага тыпу.

За 1,4 км ад вёскі знаходзіцца чыгуначная станцыя Касцюкоўка.

Па пісьмовых крыніцах вядома з XVIII стагоддзя як вёска ў Рэчыцкім павеце Менскага ваяводства Вялікага Княства Літоўскага. Значную частку жыхароў складалі стараверы, якія збеглі з Расіі.

Пасля 1-га падзелу Рэчы Паспалітай (1772 год) у складзе Расійскай імперыі, у валоданні фельдмаршала графа П. А. Румянцава-Задунайскага, з 1834 — фельдмаршала князя І. Ф. Паскевіча. Праз вёску праходзіў гасцінец Санкт-Пецярбург — Кіеў (пачаў будавацца ў 1782 годзе). У 1850 годзе побач прайшла шаша Санкт-Пецярбург — Кіеў, што значна пашырыла транспартныя магчымасці вёскі. Паштовая станцыя. Гаспадар фальварка Касцюкоўка валодаў тут у 1862 годзе 611 дзесяцінамі зямлі. З 1875 працавала крупадрабнілка. У 1885 годзе дзейнічала збожжазахавальны магазін. Паводле перапісу 1897 года: школа, карчма. У вясковай школе ў 1907 годзе было 43 вучні. У 1909 годзе 1239 дзесяцін зямлі, у Пакалюбіцкай воласці Гомельскага павета Магілёўскай губерні. Працавала аддзяленне паштовай сувязі.

У 1926 годзе дзейнічалі паштовы пункт, школа, цэнтр Касцюкоўскага сельсавета Гомельскага раёна Гомельскай акругі. Побач былі Касцюкоўскія хутары. У 1930 годзе арганізаваны калгас «Інтэрнацыянал», працаваў вятрак. Падчас Вялікай Айчыннай вайны 142 жыхары загінулі на фронце. Размяшчаюцца вучэбна-даследчая гаспадарка, прафесійна-тэхнічнае вучылішча № 179, фабрыка швейных вырабаў, пачатковая школа, клуб, бібліятэка, фельчарска-акушэрскі пункт, магазін.

• 2004 год — 382 гаспадаркі, 850 жыхароў.

• 1838 год — 75 двароў.
• 1838 год — 279 рэвізскіх душ.
• 1885 год — 123 двары, 683 жыхары.
• 1897 год — 175 двароў, 1007 жыхароў (паводле перапісу).
• 1909 год — 1242 жыхары.
• 1926 год — 26 двароў, 143 жыхары.
• 1959 год — 1343 жыхары (паводле перапісу).
• 2004 год — 382 гаспадаркі, 850 жыхароў.

• П. Н. Гаўрыленка (28.2.1902 — 4.2.1961) — беларускі мастак.
• Ф. Н. Гаўрыленка — камандзір партызанскай брыгады імя М. І. Калініна Вілейскай вобласці падчас Вялікай Айчыннай вайны .
• І. Ф. Клімаў — 1-ы сакратар Вілейскага падпольнага абкама КП(б)Б). Пасля вайны — намеснік старшыні Савета Міністраў БССР і намеснік старшыні Прэзідыума Вярхоўнага Савета БССР.
• Віктар Іванавіч Чарназёмаў (нар. 1939) — беларускі архітэктар.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

• На Вікісховішчы ёсць медыяфайлы па тэме Касцюкоўка (Гомельскі раён)