Касцёл Беззаганнага Зачацця Найсвяцейшай Дзевы Марыі (Касцяневічы)

Касцёл
Касцёл Беззаганнага Зачацця Найсвяцейшай Дзевы Марыі
54°35′24,45″ пн. ш. 27°12′24,39″ у. д.HGЯO
Краіна	Беларусь
Вёска	Касцяневічы
Канфесія	Рымска-каталіцкая царква
Епархія	Мінска-Магілёўская дыяцэзія
Благачынне	Вілейскі дэканат
Архітэктурны стыль	барока
Будаўніцтва	1763[1] — 1763
Статус	Гісторыка-культурная каштоўнасць Беларусі, шыфр 612Г000123шыфр 612Г000123
Глобус Беларусі	globustut.by/kostenevic/…
Медыяфайлы на Вікісховішчы

Касцёл Беззаганнага Зачацця Найсвяцейшай Дзевы Марыі — помнік архітэктуры позняга барока. Пабудаваны ў сярэдзіне XVIII стагоддзя ў в. Касцяневічы Вілейскага раёна.

Прамавугольны ў плане будынак накрыты высокім двухсхільным дахам з вальмай над алтарнай часткай. Сцены апрацаваныя плоскімі пілястрамі. Галоўны фасад завершаны атыкавым франтонам складанай формы з паўцыркульным аконным праёмам. Франтон упрыгожаны валютамі, пілястрамі, шматслаёвым карнізам. Уваходны партал і аконныя праёмы лучковыя. Да ўсходняга фасада далучаная прыбудова, накрытая стромкім двухсхільным дахам з атыкавым барочным франтонам над уваходам.

Унутраная прастора перакрытая каробчатай столлю. Падлога выкладзеная каляровай мазаікай. Сцены аздобленыя двухслаёвымі пілястрамі. Алтар сіметрычнай кампазіцыі з вялікай паўцыркульнай нішай у цэнтры, аздоблены шасцю паўкруглымі калонамі з іанічнымі капітэлямі, якія падтрымліваюць шматслойны карніз. Паміж калонамі гіпсавая пафарбаваная скульптура. На невысокія драўляныя хоры вядзе бакавая лесвіца.

Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

У 2013 годзе Белпошта выпусціла паштовую картку з арыгінальнай маркай, на якой знаходзіцца касцёл у Касцяневічах.

• Вілейскі дэканат

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 265.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 612Г000123

	Касцёл Беззаганнага Зачацця Найсвяцейшай Дзевы Марыі (Касцяневічы) на Вікісховішчы

• Касцёл Беззаганнага Зачацця Найсвяцейшай Дзевы Марыі (Касцяневічы) на сайце Radzima.org
• Касцёл Беззаганнага Зачацця Найсвяцейшай Дзевы Марыі (Касцяневічы) на сайце Глобус Беларусі (руск.)

1. ↑ Касцёл Беззаганнага Зачацця Найсвяцейшай Дзевы Марыі (Касцяневічы) на сайце Глобус Беларусі (руск.)