Красамоўнае сэрца

«Красамоўнае сэрца»
Вокладка кнігі
Жанр	Проза
Аўтар	Алег Аблажэй
Мова арыгінала	беларуская
Дата першай публікацыі	2015
Выдавецтва	Мастацкая літаратура
Колькасць старонак	71
Ілюстратар	Алег Аблажэй
Носьбіт	Кніга
ISBN	978-985-02-1670-0

«Красамоўнае сэрца» — казка беларускага пісьменніка і мастака Алега Аблажэя. Выдавецтва — «Мастацкая літаратура», 2015 год.

Галоўныя героі — каралевіч Артакс і каралеўна Камілена. Кожны ў сваім каралеўстве не мае шчасця, бо вельмі розніцца ад усіх. Каралевіч Артакс надзвычай добры і чуллівы, але ягоны бацька, злосны кароль — марыў зваяваць увесь свет, а сярод яго звычаяў было жахлівае паляванне, калі забівалі кожнага дзясятага сустрэчнага прасталюдца. А Камілена расла там, дзе ўсе толькі і думалі, што пра заробкі і багацце. Усе адно працавалі і не гублялі час на бескарыснае чытанне кніг, у жыхароў ейнага каралеўства не было ўяўлення пра прыгажосць і мастацтва.

Каралеўна не захацела пабрацца шлюбам з таўстым багацеем і патрапіла ў зняволенне ў вежу сярод пустэльні. Каралевіч Артакс кіруецца на яе вызваленне, бо толькі разам яны будуць шчаслівыя^[1]. Герояў чакаюць неверагодныя прыгоды, але ўрэшце ўсё заканчваецца добра^[2].

• 2016 — кніга намінавана на прэмію «Гліняны Вялес»^[3].
• 2016 год — намінавана на Літаратурную прэмію Цёткі (заснавальнікі прэміі — Беларускі ПЭН-цэнтр, фонд «Вяртанне», Саюз беларускіх пісьменнікаў) у намінацыі «Найлепшая кніга для дзяцей і падлеткаў»^[4].
• 2016 — намінавана на літаратурная прэмію «Кніга году»^[5]

• Рублеўская Л. І. От сказки к сказке // Советская Белоруссия : газета. — Мн.: РВУ «Звязда», 2015. — 20 лістапада — В. 24855. — № 225. Архівавана з першакрыніцы 19 студзеня 2015.
• Весялуха М. М. Услед за стралой // Літаратура і мастацтва : газета. — Мн.: РВУ «Звязда», 15 красавіка 2016. — В. 4866. — № 15. — С. 7. Архівавана з першакрыніцы 29 красавіка 2016.

Вонкавыя відэафайлы
	Буктрэйлер да кнігі «Красамоўнае сэрца»