Краснагорскі раён (Бранская вобласць)

Краснагорскі раён
Красногорский район
Краіна	Расія
Статус	раён
Уваходзіць у	Бранскую вобласць
Адміністрацыйны цэнтр	Красная Гара
Дата ўтварэння	1929
Насельніцтва	16 000
Плошча	1 120 км²
Часавы пояс	UTC+3
Тэлефонны код	+7 48346
Код аўтам. нумароў	32
Афіцыйны сайт (руск.)
Медыяфайлы на Вікісховішчы

Краснагорскі раён (руск.: Красногорский район) — адміністрацыйна-тэрытарыяльная адзінка на захадзе Бранскай вобласці Расіі. Адміністрацыйны цэнтр — пасёлак гарадскога тыпу Красная Гара.

Плошча раёна — 1120 км². Раён размешчаны на захадзе Бранскай вобласці.

Мяжуе:

• на поўначы з Касцюковіцкім і Краснапольскім раёнамі Магілёўскай вобласці Беларусі;
• на захадзе з Чачэрскім і Веткаўскім раёнамі Гомельскай вобласці Беларусі;
• на ўсходзе з Гардзееўскім раёнам Бранскай вобласці;
• на поўдні з Навазыбкаўскім раёнам Бранскай вобласці.

Асноўныя рэкі — Беседзь, Віхолка.

Краснагорскі раён — адзін з найбольш пацярпелых ад катастрофы на Чарнобыльскай АЭС і радыёактыўных ападкаў у наступныя дні пасля катастрофы. Чатыры населеныя пункты раёна — Барсукі, Князяўшчына, Прагрэс і Ніжні Млын былі ўключаны ў зону адчужэння. Шматлікія населеныя пункты раёна былі аднесены да зоны адсялення і зоны з правам на адсяленне. Максімальнае разліковае значэнне радыяцыйнага забруджвання — 9,4 мзв/год — адзначана ў пасёлку Забор’е^[1].

Яшчэ ў часы Вялікага Княства Літоўскага існавала Паповагорская воласць Старадубскага павета. У 1922 годзе ў сувязі з перайменаваннем Паповай Гары ў Красную Гару Паповагорскую воласць перайменавана ў Краснагорскую. У 1929 годзе, з фарміраваннем раённага падзелу, воласць ліквідавана, а на яе тэрытарыяльнай аснове сфарміраваны раён Клінцоўскай акругі Заходняй вобласці. 5 ліпеня 1944 года згодна з указам Прэзідыума Вярхоўнага савета СССР утварылася Бранская вобласць, у склад якой, нароўні з іншымі, уключаны і Краснагорскі раён. У 1963 годзе раён быў ліквідавана, але ў 1966 годзе адноўлены.

У 2004 годзе ў сувязі з працяглай эканамічнай стагнацыяй каля 5 тыс. чал. насельніцтва раёна (г. зн. прыкладна палова насельніцтва тагачаснага раёна) сабрало подпісы на карысць пераходу тэрыторыі раёна ў склад Беларусі^[2].

Насельніцтва раёна складае 16,1 тыс. чалавек. Усяго налічваецца 53 населеныя пункты.

Пасля муніцыпальнай рэформы (2005) у раёне ёсць 1 гарадское і 6 сельскіх паселішчаў:

Гарадское паселішча:

• Краснагорскае гарадское паселішча

Сельскія паселішчы:

• Калюдаўскае сельскае паселішча
• Латакоўскае сельскае паселішча
• Любаўшанскае сельскае паселішча
• Макарыцкае сельскае паселішча
• Пераласкае сельскае паселішча
• Ялоўскае сельскае паселішча

• Сыраробны завод у пасёлку Красная Гара

Маршрут 540 «Красная Гара — Бранск».

• Гарадзішча ў пасёлку Красная Гара
• Курганы радзімічаў у пасёлку Красная Гара
• Царква Раства Хрыстова ў сяле Калюды
• Вятрак у вёсцы Марозаўка
• Царква Покрыва Багародзіцы ў сяле Медзведзі
• Царква Покрыва Багародзіцы ў сяле Ялоўка

• Васіль Цымбаліст — заслужаны вынаходнік Расіі, нарадзіўся 20 мая 1935 года ў вёсцы Рубаны ў вялікай сялянскай сям’і
• Васіль Сямёнавіч Асіпенка (нар. 1947) — беларускі палітык.
• Анатоль Пятровіч Хішчанка (нар. 1958) — беларускі палітык.

• На Вікісховішчы ёсць медыяфайлы па тэме Краснагорскі раён (Бранская вобласць)
• Краснагорскі раён, Radzima.org
• Інфармацыйны партал Браншчыны Архівавана 5 сакавіка 2010. (руск.)