Крыж Добрасуседства

Крыж Добрасуседства
Краіна	Беларусь
Тып	крыж[d]
Кім уручаецца	Аб’яднаны пераходны кабінет Беларусі
Аўтар праекта	Геральдычная рада
Статус	уручаецца

Крыж Добрасуседства — узнагарода Аб’яднанага пераходнага кабінету Беларусі.

Крыж быў створаны Геральдычнай радай для Аб’яднанага пераходнага кабінету Беларусі^[1][2]. Выраблены за сродкі неназванага беларускага мецэната^[3].

Крыж уручаецца па рашэнні Святланы Ціханоўскай замежным ці беларускім грамадзянам. Галоўны фактар гэта асаблівы ўнёсак у пабудову адносінаў Беларусі з іншымі краінамі, а таксама ў справу дэмакратычных перамен у Беларусі^[4].

Узнагарода ўяўляе сабой чатырохканцовы крыж серабрыстага колеру з «Пагоняй» ў цэнтры. На рэверсе знаходзіцца надпіс «Arma in manu cum pace in corde» (лац.: Зброя ў руцэ — мір ў сэрцы). Прамы крыж выраблены з латуні і пакрыты серабром 925 пробы^[3].

Віцэ-спікер Сейма Літва Юозас Алекас адзначыў, што ўручэнне Святланай Ціханоўскай Крыжа Добрасуседства міністру замежных спраў Габрыэлюсу Ландбергісу з’яўляецца важнай ацэнкай дзейнасці літоўскага ўрада^[5][6].