Партызанскі Народны крыж

Партызанскі Народны крыж
Краіна	Беларусь
Тып	крыж[d]
Кім уручаецца	Аб’яднаны пераходны кабінет Беларусі
Аўтар праекта	Геральдычная Рада
Дата заснавання	2 сакавіка 2023
Статус	Уручаецца

Партызанскі Народны Крыж — нагрудны ганаровы знак. З’яўляецца ўзнагародай Аб’яднанага пераходнака кабінета Беларусі. Афіцыйная дата заснавання — 2 сакавіка 2023 года. Дызайн узнагароды быў распрацаваны Геральдычнай Радай.

Крыж уручаецца разам з пасведчаннем аб узнагароджанні і ўзнагародным лістом^[1].

Згодна з афіцыйнымі звесткамі АПКБ, узнагарода прызначана для ўшанавання асоб, якія ўдзельнічалі ў беларускам партызанскім і падпольным руху, а таксама праводзілі акцыі, накіраваныя на аслабленне і ліквідацыю ўлады акупацыйнай адміністрацыі^[2][3].

Аверс уяўляе сабой крыж серабрыстага колеру з размешчаным на нім па цэнтры гербам «Пагоня». Пад гербам размешчаны чэрап з косткамі, паміж канцамі крыжа па дыяганалі — два мячы серабрыстага колеру^[2]. Рэверс змяшчае надпіс «Ніколі ня быць у няволі», пад якім знаходзіцца нумар узнагароды^[2]. Надпіс уяўляе сабой адаптаваную цытату з песні «Лясная песня» на словы Адама Русака і музыку Уладзіміра Алоўнікава, прысвечаную беларускім партызанам^[4].

Крыж выраблены з латуні і пакрыты серабром 925 пробы. Мацуецца ўзнагарода да адзення адмысловай шпількай. У склад латуні таксама дададзены метал з расійскіх танкаў, якія былі пабдітыя падчас вайны ва Украіне^[2].