Курты

Курты
Краіна	Беларусь
Вобласць	Віцебская
Раён	Пастаўскі
Сельсавет	Курапольскі
Каардынаты	55°09′53″ пн. ш. 26°47′07″ у. д.HGЯO
Насельніцтва	30 чалавек (2021)
Часавы пояс	UTC+3
Тэлефонны код	+375 2155
Паштовы індэкс	211875
Аўтамабільны код	2
СААТА	2240853056
	Курты на Вікісховішчы

Ку́рты^[1] (трансліт.: Kurty, руск.: Курты) — вёска ў Пастаўскім раёне Віцебскай вобласці. Уваходзіць у склад Курапольскага сельсавета.

Геаграфія

Размешчана ў паўночна-заходняй частцы Пастаўскага раёна за 5 км ад Паставаў і за 3 км ад Хацілаў. Знаходзіцца на рацэ Альшанцы, якая пачынаецца з возера Волься і ўпадае ў Мядзелку.

Транспартная сувязь з раённым цэнтрам ажыццяўляецца аўтобусным маршрутам «Паставы — Казьяны».

Гісторыя

У 1649 годзе вёска ў складзе маёнтка Задзеўе, 9 гаспадарак агулам трымалі 4 валокі зямлі.

У 1873 годзе вёска ў Ясеўскай воласці Свянцянскага павета Віленскай губерні.

Паводле Рыжскага мірнага дагавора з 1921 года ў складзе Польшчы, у Віленскім ваяводстве.

Пасля пахода Чырвонай Арміі ў Заходнюю Беларусь з верасня 1939 года далучана да БССР. З 1940 года вёска ў Свілельскім сельсавеце Дунілавіцкага раёна Вілейскай вобласці БССР. Створаны калгас «Светлы шлях».

У 1954 годзе створаны калгас імя Мічурына. У 1963 годзе ў вёсцы дзейнічаў магазін, пачатковая школа. З 20 кастрычніка 1970 года — у Ярэўскім сельсавеце.

У 2001 годзе ў вёсцы дзейнічае ферма калгаса імя Мічурына. У сярэдзіне 2000-х гадоў калгас рэарганізаваны ў ААТ «Хацілы-Агра».

Станам на 2021 год у вёсцы размешчана 3 фермы ААТ «Хацілы-Агра».

Да 21 чэрвеня 2023 года вёска ўваходзіла ў склад Ярэўскага сельсавета^[2].

Насельніцтва

1649 год — 9 гаспадарак, трымалі 4 валокі зямлі
1873 год — 55 чалавек
1905 год — 246 чалавек
1954 год — 54 гаспадаркі
1963 год — 189 чалавек, 62 двары
2001 год — 84 чалавекі, 39 двароў
2009 год — 55 чалавек
2021 год — 30 чалавек

Вядомыя жыхары

Валерый Валяр’янавіч Курто — аператар фермы калгаса імя Мічурына. Узнагароджаны Ордэнам Працоўнай Славы II ступені і III ступені (1985).
Франц Іосіфавіч Курто — трактарыст калгаса імя Мічурына. Узнагароджаны Ордэнам Працоўнай Славы II ступені (1986) і III ступені (1975).