Кірыл Юр’евіч Вяргейчык

Кірыл Вяргейчык
Кірыл Вяргейчык
Агульная інфармацыя
Поўнае імя	Кірыл Юр’евіч Вяргейчык
Нарадзіўся	23 жніўня 1991 (33 гады); Мінск, Беларуская ССР, СССР;
Грамадзянства	Беларусь
Рост	189 см
Вага	80 кг
Пазіцыя	нападнік
Клубная кар’ера
Нацыянальная зборная
Узнагароды і медалі
Дзяржаўныя і ведамасныя ўзнагароды
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 8 сакавіка 2014 ;

Кірыл Вяргейчык (нар. 23 жніўня 1991, Мінск) — беларускі футбаліст, нападнік.

Сын беларускага футбаліста, трэнера і функцыянера Юрыя Вяргейчыка.

Клубная кар’ера

Пачынаў кар’еру ў салігорскім «Шахцёры», дзе трэнерам быў яго бацька. Паступова стаў праходзіць у асноўны склад. Другую палову 2012 года правеў у арэндзе ў «Тарпеда-БелАЗ», дзе стала выхадзіў у аснове.

Пасля заканчэння сезона 2012 вярнуўся ў «Шахцёр». У сезоне 2013 стаў часцей з’яўляцца на полі, звычайна выходзячы на замену.

У сакавіку 2014 года на правах арэнды перайшоў у брэсцкае «Дынама»^[3], дзе стаў трывала выступаць на пазіцыі цэнтральнага або флангавага нападніка. У снежні 2014 года вярнуўся ў «Шахцёр»^[4], дзе зноў стаў пераважна толькі выхадзіць на замену.

У студзені 2016 года прыбыў на прагляд у «Слуцк», але не падышоў клубу^[5]. Неўзабаве далучыўся да «Нёмана», з якім у сакавіку падпісаў кантракт^[6]. У жніўні 2016 года, пакінуўшы гродзенскі клуб, стаў іграком «Віцебска»^[7]. У «Віцебску» спачатку выхадзіў на замену, пасля стаў з’яўляцца і ў стартавым складзе. У сезоне 2018 з 11 галамі стаў адным з найлепшых бамбардзіраў каманды і дапамог ёй заняць высокае чацвёртае месца ў чэмпіянаце Беларусі, а сам трапіў у спіс 22 найлепшых ігракоў чэмпіянату.

У студзені 2019 года, пакінуўшы «Віцебск» па заканчэнні кантракта, стаў іграком мінскага «Дынама»^[8]. Не замацаваўся ў складзе мінчан, часцей выхадзіў на замену. У верасні 2020 года на правах арэнды вярнуўся ў «Віцебск»^[9], па заканчэнні арэнды ў снежні 2020 года пакінуў віцебскую каманду^[10], а неўзабаве развітаўся і з «Дынама»^[11].

У лютым 2021 года падпісаў кантракт са «Слуцкам»^[12]. У сезоне 2021 пераважна выхадзіў на замену. У студзені 2022 года падоўжыў пагадненне са слуцкім клубам^[13]. У студзені 2024 года па заканчэнні кантракта пакінуў «Слуцк»^[14] і завяршыў прафесійную кар’еру^[15].

Міжнародная кар’ера

Гуляў за моладзевую зборную Беларусі.

Дасягненні

02 Срэбраны прызёр чэмпіянату Беларусі (3): 2010, 2011, 2013
03 Бронзавы прызёр чэмпіянату Беларусі: 2015
У спісе 22 найлепшых ігракоў чэмпіянату Беларусі: 2018

Статыстыка выступленняў

Сезон	Дывізіён	Клуб	Матчы	Галы
2007	дубль	Шахцёр	8	0
2008	дубль	Шахцёр	26	6
2009	дубль	Шахцёр	23	13
2010	Д1	Шахцёр	4	0
2011	Д1	Шахцёр	15	1
2012 (1)	Д1	Шахцёр	3	0
2012 (2)	Д1	Тарпеда-БелАЗ	11	2
2013	Д1	Шахцёр	18	0
2014	Д1	Дынама (Брэст)	27	4
2015	Д1	Шахцёр	14	2
2016 (1)	Д1	Нёман	11	0
2016 (2)	Д1	Віцебск	14	2
2017	Д1	Віцебск	26	7
2018	Д1	Віцебск	30	11
2019	Д1	Дынама (Мінск)	11	1
2020 (1)	Д1	Дынама (Мінск)	12	1
2020 (2)	Д1	Віцебск	5	0
2021	Д1	Слуцк	21	3
2022	Д1	Слуцк	27	6
2023	Д1	Слуцк	23	0