Кісліца звычайная

	Кісліца звычайная
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Oxalidales
Сямейства:	Кіслічныя
Род:	Кісліца
Від:	Кісліца звычайная
Міжнародная навуковая назва
	Oxalis acetosella L., Sp. pl. 1:433. (1753)
Падвіды
	Oxalis acetosella subsp. taemoni (Yamam.) S.F.Huang & T.C.Huang
ITIS	518005
NCBI	341461
GRIN	t:401793
IPNI	374612-1
TPL	kew-2394737

Кіслі́ца звычайная^[1] (Oxalis acetosella) — від кветкавых раслін роду Кісліца (Oxalis) сямейства Кіслічныя (Oxalidaceae). Тыпавы від роду.

Назвы

Заечая капуста, квасок, баршчоўка.

Батанічнае апісанне

Шматгадовая травяністая бессцябловая расліна вышынёй 8—15^[1] см з тонкім паўзучым карэнішчам. Ад карэнішча адыходзяць пучкі лісця і кветкавыя стрэлкі. Лісце на чаранках, трайчастае, зімуючае, складваецца на ноч і ў пахмурнае надвор’е або на сонцы. Ліставыя пласцінкі адваротна-сэрцападобнай формы, з суцэльным краем. Кветкавыя стрэлкі з двума калякветнікамі і адной кветкай. Пялёсткі кветак белыя, з фіялетавымі жылкамі і жоўтымі плямамі каля асновы. Пялёсткаў — 5. Акрамя сапраўдных кветак на працягу лета развіваюцца больш дробныя клейстагамныя, якія не раскрываюцца і самаапыляюцца. Плод — 5-гранная падоўжаная каробачка. Насенне мае мясістую скурку і пры выспяванні выкідваецца праз шчыліны ў сценках каробачкі.

Распаўсюджанне і экалогія

Расліна распаўсюджана на тэрыторыі Еўропы, умераных і трапічных (Непал, Бутан, М’янма) абласцей Азіі і ў Паўночнай Амерыцы. Аддае перавагу зацененым месцам^[2]. Мезафіт, гіграфіт, мезатроф^[2]. Расце ў лясах, хмызняках. Цвіце ў маі^[1].

Ахоўваецца ў шэрагу рэгіёнаў Расіі (Магаданская, Мурманская, Пензенская вобласці, Якуція)^[3].

Гаспадарчае значэнне

Лекавая расліна. У лісці маецца шчаўевая кіслата, і яго магчыма спажываць у ежу^[1]. Расліна ядавітая для жывёл^[1].

Зноскі

↑ ^а ^б ^в ^г ^д Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
↑ ^а ^б Кислица обыкновенная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
↑ Oxalis acetosella L. // «ООПТ России» (руск.)

Літаратура

Лярскі А. М. Кіслі́ца // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 21—22. — 588 с., іл. — 10 000 экз.
Губанов И. А., Киселёва К. В., Новиков В. С., Тихомиров В. Н. 856. Oxalis acetosella L. — Кислица обыкновенная // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2003. — Т. 2. Покрытосеменные (двудольные: раздельнолепестные). — ISBN 9-87317-128-9.
Oxalis L. — Кислица // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 190—191. — 472 с. — 1 000 экз. — ISBN 985-6182-78-6.