Лілія Станіславаўна Ананіч

Лілія Ананіч
Міністр інфармацыі Беларусі 30 чэрвеня 2014 — 28 верасня 2017
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Папярэднік	Алег Праляскоўскі
Пераемнік	Алесь Карлюкевіч
Нараджэнне	2 студзеня 1960(1960-01-02) (65 гадоў) Леванова, Мётчанскі сельсавет, Барысаўскі раён, Мінская вобласць, БССР, СССР[2]
Нацыянальнасць	беларуска [1]
Адукацыя	факультэт журналістыкі БДУ Акадэмія кіравання пры Прэзідэнце Рэспублікі Беларусь Дрычынскі яслі-сад Пухавіцкага раёна[d]
Месца працы	Навукова-даследчы інстытут сродкаў аўтаматызацыі[d] Міністэрства культуры Рэспублікі Беларусь Дзяржаўны камітэт Рэспублікі Беларусь па друку[d] Міністэрства інфармацыі Рэспублікі Беларусь
Узнагароды	Ганаровая грамата Савета Міністраў Рэспублікі Беларусь Ганаровая грамата Савета Міністраў Рэспублікі Беларусь

Лíлія Станіслáваўна Анáніч, народжаная Яцэвіч^[3] (нар. 2 студзеня 1960, в. Леванова, Барысаўскі раён, Мінская вобласць, БССР) — беларускі дзяржаўны дзеяч, Міністр інфармацыі Беларусі (2014—2017).

Нарадзілася 2 студзеня 1960 года ў вёсцы Леванова Барысаўскага раёна Мінскай вобласці. Бацька, Станіслаў Іосіфавіч Яцэвіч, працаваў дырэктарам школы. Маці, Вольга Гаўрылаўна Яцэвіч, працавала ў гэтай жа школе настаўніцай беларускай мовы і літаратуры. Акрамя Ліліі, у сям’і было яшчэ трое дзяцей^[4].

Да сёмага класа вучылася ў сярэдняй школе ў в. Леванова^[4]. Скончыла сярэднюю школу ў в. Дрычын^[5]. У 1983 годзе скончыла факультэт журналістыкі Беларускага дзяржаўнага ўніверсітэта па спецыяльнасці «Журналістыка», у 2000 годзе — Акадэмію кіравання пры Прэзідэнце Рэспублікі Беларусь па спецыяльнасці «Дзелавое адміністраванне».

У 1983-1984 гадах працавала фотакарэспандэнтам мінскай раённай газеты «Шлях камунiзму».

У 1984-1992 гадах — рэдактар, старшы рэдактар Навукова-даследчага інстытута сродкаў аўтаматызацыі (г.Мінск). У 1992-1996 гадах — рэдактар, галоўны спецыяліст, намеснік начальніка ўпраўлення сродкаў масавай інфармацыі Міністэрства культуры і друку Беларусі.

У 1996-2001 гадах была намеснікам начальніка, начальнікам інфармацыйна-аналітычнага ўпраўлення Дзяржаўнага камітэта Беларусі па друку.

У 2001-2003 гадах — намеснік міністра інфармацыі Беларусі, з 2003 года — першы намеснік міністра інфармацыі.

У чэрвені 2014 года назначана міністрам інфармацыі Рэспублікі Беларусь^[6].

16 кастрычніка 2015 года пастановай Савета Міністраў № 870 у складзе Урада склала свае паўнамоцтвы перад нававыбраным Прэзідэнтам Рэспублікі Беларусь^[7], а 17 снежня 2015 года ўказам Прэзідэнта № 500 зноў зацверджана на пасадзе міністра^[8].

28 верасня 2017 года вызвалена ад пасады міністра інфармацыі Беларусі^[9].

У 2019 годзе абрана дэпутатам Палаты Прадстаўнікоў Нацыянальнага сходу Рэспублікі Беларусь 7-га склікання ад Барысаўскай сельскай акругі № 63. З’яўляецца намеснікам старшыні Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі^[10].

У 2017 годзе палітолаг Вольф Рубінчык заўважыў, што ў 2003 годзе Л. Ананіч «прыбудавалася» ў якасці сааўтаркі да кнігі кандыдата філалагічных навук В. Вараб'ёва, прысвечанай СМІ ў Беларусі, не ўнёсшы дастатковага творчага ўкладу: «здаецца, тагачасная намміністра... лоўка скарыстала сваё службовае становішча»^[11].

У пачатку лістапада 2021 года Лілія Ананіч у эфіры ток-шоу «Будні» на «Альфа-Радыё» заявіла, што «публікацыі, у якіх пад выглядам навуковых разваг фарміруецца пэўная думка і пункт гледжання» патрэбна адносіць да экстрэмісцкіх матэрыялаў^[12].

• Муж — Пётр Ананіч, скончыў фізіка-­матэматычны факультэт БДУ^[4].
• Дачка — Вольга Пятроўна Саруханава, скончыла журфак МДУ, працавала ў Маскве ў часопісе РБК^[4]
• Сын — Андрэй Пятровіч Ананіч, скончыў эканамічны факультэт БДУ, працуе ў ЗАТ «Беларуская нацыянальная біятэхналагічная карпарацыя»^[13].

• Аляксандр Лукашэнка разгледзеў кадравыя пытанні (нявызн.). Афіцыйны сайт прэзідэнта Рэспублікі Беларусь (30 чэрвеня 2014). Праверана 30 чэрвеня 2014.
• Ананіч назначана міністрам інфармацыі Беларусі (нявызн.). БЕЛТА (30 чэрвеня 2014). Праверана 30 чэрвеня 2014.(недаступная спасылка)