Максім Сяргеевіч Сазонаў

Максім Сяргеевіч Сазонаў
Максім Сяргеевіч Сазонаў
Нарадзіўся	16 ліпеня 1996 (28 гадоў); Расоны, Расонскі раён, Віцебская вобласць, Беларусь;
Грамадзянства	Беларусь;
Альма-матар	Беларускі дзяржаўны ўніверсітэт фізічнай культуры (2017);
Клубная кар’ера
2013—2016	Цмокі-Мінск-2
2016—2017	ЦАР-Барысфен
2017	БДЭУ-ГрандПрынт
2017—2018	Цмокі-Мінск
2019—2023	Гродна-93
2025—0000	Імпульс-БДУІР
	↑ Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў. ;

Максім Сяргеевіч Сазонаў (нар. 16 ліпеня 1996, Расоны, Беларусь) — беларускі баскетбаліст. Цяжкі форвард. Майстар спорту Рэспублікі Беларусь^[1].

Біяграфія

У дзяцінстве гуляў у футбол і валейбол, узімку хадзіў на лыжах і захапляўся хакеем. У трэцім класе запісаўся ў спартыўную секцыю па валейболе і лёгкай атлетыцы. Першым трэнерам быў Дзмітрый Яўгенавіч Мацвееў. Пасля сёмага класа працягнуў навучанне ў гімназіі ў пасёлку Лужасна Віцебскага раёна на аддзяленні баскетбола. Пасля заканчэння гімназіі паступіў у Беларускі дзяржаўны ўніверсітэт фізічнай культуры і спорту, там яго заўважылі сталічныя трэнеры і запрасілі ў баскетбольны клуб «Цмокі-Мінск».

У лістападзе 2023 года далучыўся да баскетбольнага клуба 3х3 «Шахцёр» (Салігорск)^[2].

Выступаў за юнацкую (2012) і моладзевую (2014—2016) зборную Беларусі. У складзе мужчынскай зборнай Беларусі па фіджытал-баскетболе стаў сярэбраным прызёрам Гульняў БРІКС-2024 у Казані^[3].