Матс Хумельс

Матс Хумельс
Матс Хумельс
Агульная інфармацыя
Поўнае імя	Матс Юліян Хумельс
Нарадзіўся	16 снежня 1988 (36 гадоў); Бергіш-Гладбах, раён Райніш-Бергіш[d], адміністрацыйная акруга Кёльн, Паўночны Рэйн-Вестфалія, ФРГ;
Грамадзянства	Германія
Рост	191 см
Вага	90 кг
Пазіцыя	абаронца
Інфармацыя пра клуб
Клуб	Барусія (Дортмунд)
Маладзёжныя клубы
1995—2005	Баварыя (Мюнхен)
Клубная кар’ера
2019—	Барусія (Дортмунд)
Нацыянальная зборная
Узнагароды і медалі
	Чэмпіянаты свету
Золата	Бразілія 2014
	Чэмпіянаты Еўропы
Бронза	Польшча/Украіна 2012
Бронза	Францыя 2016
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 ліпеня 2019. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 7 ліпеня 2019 ;
	Медыяфайлы на Вікісховішчы

Матс Юліян Хумельс (ням.: Mats Julian Hummels; нар. 16 снежня 1988, Бергіш-Гладбах, Германія) — нямецкі футбаліст, абаронца дортмундскай «Барусіі» і нацыянальнай зборнай Германіі, разам з якой стаў чэмпіёнам свету 2014.

Клубная кар’ера

Выхаванец футбольнай школы мюнхенскай «Баварыі», дзе яго бацька, Герман Хумельс, з’яўляўся трэнерам. Пачынаў кар’еру на пазіцыі апорнага паўабаронцы, але затым быў пераведзены ў цэнтр абароны.

З 2005 года выступаў у рэгіянальнай лізе за другую каманду «Баварыі», дзе за два сезоны згуляў 42 матчы і забіў 5 мячоў. З сезона 2006/07 пачаў трэніравацца з асноўным складам «Баварыі», а ў 2007 годзе падпісаў кантракт з клубам на 2 гады. У Бундэслізе дэбютаваў 19 мая 2007 года ў матчы супраць «Майнца», які завяршыўся перамогай мюнхенцаў з лікам 5:3^[3]. У 2008 годзе Хумельс быў аддадзены ў арэнду «Барусіі» з Дортмунда, бо маладому абаронцу не знаходзілася месца ў асноўным складзе «Баварыі». У «Барусіі» Матс хутка стаў іграком асновы, шмат у чым дзякуючы галоўнаму трэнеру Юргену Клопу. У пачатку студзеня 2009 года, Хумельс, у адным з матчаў чэмпіянату надарваў звязкі правай лодыжкі і выбыў на шэсць тыдняў. Менш чым праз месяц стала вядома, што Матс мае намер застацца ў «Барусіі» і не вяртацца ў «Баварыю».

26 лютага 2011 года забіў гол галавой у браму сваёй былой каманды ў матчы 24 тура Бундэслігі. Лік матча пасля яго гола стаў 3:1 на карысць дортмундцаў.

У маі 2016 года стала вядома, што Хумельс улетку вернецца ў «Баварыю». 23 мая мюнхенскі клуб афіцыйна абвясціў аб падпісанні кантракта, які пачаў дзейнічаць з 1 ліпеня^[4].

У чэрвені 2019 года была дасягнута дамоўленасць аб вяртанні Хумельса ў «Барусію» за 38 млн еўра^[5].