Мюоннае нейтрына

сімвал	νμ
маса	менш за 0,28 эВ, але не нулявая
статыстыка	ферміён
група	лептон
пакаленне	другое
узаемадзеянне	слабае, ; гравітацыйнае
квантавыя лікі
электрычны зарад	0
спін	½
Іншыя ўласцівасці і звесткі
час жыцця	стабільныя
каналы распаду	няма
састаў часціцы	элементарная часціца
адкрыта	Леон Ледэрман, Мелвін Шварц і Джэк Стэйнбергер (1962)

Мюоннае нейтрына (абазначаецца як ν_μ) — элементарная часціца, адзін з трох відаў нейтрына. Разам з мюонам складае другое пакаленне лептонаў^[1].

Уласцівасці

Мюонныя нейтрына могуць «ператварацца» у электронныя^[2].

Адкрыццё

Гіпотэза аб існаванні яшчэ аднаго віду нейтрына (акрамя ўжо вядомага электроннага) была прапанавана ў 1940-х гадах. Эксперыментальна часціца была знойдзена ў 1962 годзе групай даследчыкаў пад кіраўніцтвам Леона Ледэрмана, Мелвіна Шварца і Джэка Стэйнбергера. За гэтае адкрыццё навукоўцы былі ўзнагароджаны Нобелеўскай прэміяй па фізіцы ў 1988 годзе.

Магчымы звышсветлавы рух

Група даследчыкаў, якія працуюць з дэтэктарам OPERA, у найбуйнейшай у свеце лабараторыі фізікі ядзерных даследаванняў CERN, апублікавала вынікі сваіх вымярэнняў, з якіх вынікае, што мюонныя нейтрына могуць рухацца хутчэй чым святло^[3]. Атрыманыя вынікі спецыялісты ставяць пад сумненне, таму што яны не адпавядаюць не толькі тэорыі адноснасці, але і іншым эксперыментам з нейтрына^[4]. 23 лютага 2012 года ЦЕРН паведаміла, што калабарацыя OPERA выявіла два фактары, якія маглі выклікаць памылкі вымярэння^[5]^[6] Праведзеныя ў сакавіку 2012 года незалежныя вымярэння ў тым жа тунэлі сверхсветовых хуткасцей нейтрына не выявілі^[7]. У маі 2012 года OPERA правяла рад кантрольных эксперыментаў і прыйшла да канчатковай высновы, што прычынай памылковага вываду аб звышсветлавой хуткасці стаў тэхнічны дэфект (дрэнна устаўлены раздым аптычнага кабеля)^[8].