Мікалай Мікалаевіч Варабей

Мікалай Мікалаевіч Варабей (нар. 4 мая 1963^[1][2], УССР) — беларускі бізнесмен, уладальнік кампаній «Інтэрсэрвіс», «Нафтабітумны завод» і іншых. Большасць бізнес-праектаў рэалізуе сумесна з Аляксандрам Шакуціным.

Сумесна з Аляксандрам Зайцавым і Аляксеем Алексіным валодае кампаніяй «Брэміна груп» — аператарам асаблівай эканамічнай зоны «Брэміна-Орша».

У красавіку 2019 года беларуская кампанія «Нафтабітумны завод» Мікалая Вараб’я набыла 51 % акцый украінскага нафтапрадуктаправода «Прыкарпатзападтранс», які эксплуатуе ўчастак нафтапрадуктаправода «Самара — Заходні напрамак» працягласцю каля 800 км і прызначаны для прапампоўвання дызельнага паліва з Расіі і Беларусі для Украіны і транзіту ў Еўропу^[3].

У снежні 2021 года BYPOL выпусціў расследаванне аб дарагіх аўтамабілях, якія дарылі Аляксандру Лукашэнку. Па дадзеных аўтараў расследавання, Мікалай Варабей падарыў яму электрамабіль Tesla Model S^[ru] і ЗІС-110^[ru] 1947 года выпуску, агульным коштам больш за паўмільёна долараў ЗША^[4].

У верасні 2022 года «Беларускі расследавальніцкі цэнтр» і Dossier^[de] заявілі, што сям’я Вараб’я валодае актывамі ў Аўстрыі, у тым ліку кватэрамі ў Вене і горным шале, а яго даўнім партнёрам з’яўляецца Максіміліян-Крыстаф фон Габсбург-Латарынгскі^[5].

Са снежня 2020 года на самога прадпрымальніка^[6], а з чэрвеня 2021 года і на звязаныя з ім кампаніі «Брэміна груп» і «Новая нафтавая кампанія» накладзены санкцыі Еўрапейскага Саюза^[7]. Да гэтых санкций далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя^[8][9], Канада і Швейцарыя, а Вялікабрытанія увяла санкцыі супраць Вараб’я^[10][11][12]. 9 жніўня 2021 года Вараб’я, «Брэміна груп», «ННК», яе дачка «Новая нафтавая кампанія „Ўсход“», а таксама звязаныя з бізнесменам «Абсалютбанк», «БелКазТранс», «БелКазТранс Украіна», «Інтэрсэрвіс» і Нафтабітумны завод уключылі ў Спіс спецыяльна прызначаных грамадзян і заблакіраваных асоб ЗША^[13][14]. Пасля пачатку уварвання Расіі ва Украіну ў 2022 годзе да санкцый супраць Вараб’я, «Брэміна груп» і «ННК» далучыліся Японія^[15] і Украіна^[11][12][16], а Канада пашырыла свае санкцыі на «Абсалютбанк» і дачку^[5] Вараб’я Кацярыну Смушковіч^[17].

Пасля ўвядзення пад еўрапейскіх санкцый супраць Вараб’я «Абсалютбанк» стаў належаць топ-менеджарам іншых кампаній бізнесмена^[18].

У лістападзе 2023 года Еўрапейскі суд у Люксембургу адмовіўся зняць санкцыі ЕС з Мікалая Вараб’я і «Брэміна груп»^[19].