Міхаіл Аляксандравіч Шавель

Міхаіл Аляксандравіч Шавель
Дата нараджэння	5 жніўня 1949(1949-08-05)[1]
Месца нараджэння	Вільянава, Зеляневіцкі сельсавет, Пружанскі раён, Брэсцкая вобласць, БССР, СССР[1]
Дата смерці	13 верасня 2021(2021-09-13)[2] (72 гады)
Грамадзянства	СССР  Беларусь
Адукацыя	Беларускі дзяржаўны тэатральна-мастацкі інстытут (1972)
Прафесія	рэжысёр, мастацкі кіраўнік
Тэатр	Брэсцкі абласны тэатр лялек
Член у	Беларускі фонд культуры[2]
Узнагароды

Міхаіл Аляксандравіч Ша́вель^[3] (5 жніўня 1949, Вільянава, Пружанскі раён, Брэсцкая вобласць —13 верасня 2021) — беларускі тэатральны дзеяч, рэжысёр. Заслужаны дзеяч культуры Рэспублікі Беларусь (2000).

Скончыў Беларускі тэатральна-мастацкі інстытут у 1972 годзе. З 1972 года дырэктар Пружанскага раённага Дома культуры, з 1974 года ў Брэсцкім абласным Доме народнай творчасці, старшы інспектар упраўлення культуры, з 1976 года — памочнік намесніка старшыні Брэсцкага аблвыканкама. З 1980 года — дырэктар Брэсцкага абласнога тэатра лялек, з 1995 года — яго дырэктар-мастацкі кіраўнік.

Дзякуючы Шавелю ў Брэсцкім тэатры ўдала ўвасоблены на сцэне драматычныя творы Ніны Мацяш, Уладзіміра Ягоўдзіка, Галіны Васілеўскай, Нэлі Тулупавай, Уладзіміра Граўцова, Ігара Сідарука. Спектакль «Рыгорка — Ясная зорка» паводле п’есы Анатоля Вярцінскага з поспехам паказаны на сцэнах Беларусі, Германіі, Расіі і Украіны. З 1996 года — прэзідэнт аб’яднання «Беларускі цэнтр УНІМА». Аўтар ідэі і арганізатар правядзення штогадовага абласнога конкурсу «Берасцейскія зоркі», адзін з арганізатараў і кіраўнікоў міжнароднага фестывалю тэатраў драмы і лялек «Белая Вежа». З 1995 года ўзначальваў абласное аддзяленне грамадскага аб’яднання «Беларускі фонд культуры».

• Юркевіч С. Ф. Ша́вель Міхаіл Аляксандравіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 355. — 10 000 экз. — ISBN 985-11-0035-8. — ISBN 985-11-0279-2 (т. 17).
• Юркевіч С. Ф. Шавель Міхаіл Аляксандравіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
• Республика Беларусь: Энциклопедия в 7 т. Т. 7: Снегирь ― Ящерицын / редкол.: Г. П. Пашков и др. — Минск: БелЭн, 2008. — 744 с.: ил. — ISBN 978-985-11-0421-1.  — С. 559.

• Аляксей Шалахоўскі Памяці Міхася Шавеля // Газета «Наша слова»