Міхаіл Васілевіч Дарашэвіч

Міхаіл Васілевіч Дарашэвіч
Міхаіл Васілевіч Дарашэвіч
	1959 — 1968
Кіраўнік урада	Ціхан Кісялёў
Папярэднік	пасада заснаваная
Пераемнік	Мікалай Мяшкоў
Нараджэнне	6 (19) лістапада 1900; Орша, Аршанскі павет, Магілёўская губерня, Расійская імперыя;
Смерць	28 студзеня 1968 (67 гадоў)
Партыя	КПСС;
Адукацыя	Беларуская дзяржаўная сельскагаспадарчая акадэмія;
Дзейнасць	геадэзія
Месца працы	БНТУ; Народны камісарыят земляробства БССР; Міністэрства вышэйшай і сярэдняй спецыяльнай адукацыі БССР;
Бітвы	Грамадзянская вайна ў Расіі;
Узнагароды

Міхаі́л Васі́левіч Дарашэ́віч (19 (6) лістапада 1900, Орша — 28 студзеня 1968) — беларускі савецкі вучоны-геадэзіст і дзеяч народнай адукацыі. Заслужаны дзеяч навукі і тэхнікі БССР (1954), прафесар (1961). Член КПСС з 1946 года.

Біяграфія

З сям’і служачых. Удзельнік Грамадзянскай вайны. Скончыў Беларускую сельгасакадэмію (1927).

У 1928—1929 гадах працаваў у Наркамаце земляробства БССР. З 1930 года на навукова-педагагічнай рабоце ў ВНУ і НДІ Беларусі. Загадчык кафедры геадэзіі (1933—1941, 1945—1959), дырэктар (1947—1959) Беларускага політэхнічнага інстытута.

У 1959—1968 гадах міністр вышэйшай і сярэдняй спецыяльнай адукацыі БССР.

Член ЦК КПБ у 1954—1961 гадах. Дэпутат Вярхоўнага Савета ў 1955—1962 гадах.

Узнагароджаны Ордэнам Леніна, 3 ордэнамі, медалямі.

Навуковыя інтарэсы

Аўтар навукова-метадычных прац па розных відах геадэзічных здымак, камеральнай апрацоўцы палявых матэрыялаў, выяўленні і вывучэнні тарфяных радовішчаў Беларусі.

Ушанаванне памяці

Яго імем названа адна з вуліц Мінска.

Зноскі

Літаратура

Дарашэвіч Міхаіл Васілевіч // Беларуская Савецкая Энцыклапедыя. У 12 т. Т. 4. Графік — Зуйка / Рэдкал.: П. У. Броўка (гал. рэд.) і інш. — Мн.: БелСЭ, 1971. — 608 с.: іл., карты.
Дарашэ́віч Міхаіл Васілевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 52. — 10 000 экз. — ISBN 985-11-0035-8. — ISBN 985-11-0106-0 (т. 6).
К. И. Баландин. ДОРОШЕВИЧ Михаил Васильевич – ректор БПИ в 1947 – 1959 гг. // Биографии ректоров БПИ — БГПА — БНТУ (руск.). — Минск: БНТУ, 2018. — С. 9—10. — 15 с.