На чорных лядах (фільм)

На чорных лядах
На чорных лядах;
	На чорных лядах; альтэрн.: На Чорных Лядах
Жанр	гістарычны фільм
Рэжысёр	Валерый Дзмітрыевіч Панамароў;
Сцэнарыст	Васіль Быкаў;
У галоўных; ролях	Генадзь Гарбук; Аляксандр Сяргеевіч Бяспалы; Віктар Мікалаевіч Гогалеў[d]; Аляксандр Сяргеевіч Лабуш; Уладзімір Аляксеевіч Куляшоў; Віктар Сяргеевіч Манаеў; Расціслаў Мінаевіч Шмыроў;
Кінакампанія	Беларусьфільм
Працягласць	67 хв.
Краіна	Беларусь;
Мова	беларуская
Год	1995
IMDb	ID 3553900

«На чо́рных ля́дах» — беларускі мастацкі фільм паводле апавяданняў Васіля Быкава «На Чорных лядах» і «Перад канцом», зняты ў 1995 годзе рэжысёрам Валерыем Панамаровым на нацыянальнай кінастудыі «Беларусьфільм».^[2]

Сюжэт

Слуцкі збройны чын. Атрад беларускіх паўстанцаў, не маючы шанцаў выйсці з акружэння, прымае рашэнне аб самагубстве…

У ролях

Акцёр	Роля
Аляксандр Лабуш	камандзір
Генадзь Гарбук	кажухар
Аляксандр Аржылоўскі	аўстрыяк
Аляксандр Цімошкін	Забела Забела
Аляксандр Бяспалы	Мяцельскі Мяцельскі
Уладзімір Куляшоў	казак
Віктар Гогалеў	дзед
Максім Гаўрылаў	Валодзька Валодзька
Віктар Манаеў	блатняк
Уладзімір Шэлестаў	эсэр
Расціслаў Шмыроў	настаўнік

У эпізодах

Акцёр	Роля
У. Січкар
У. Грыцэўскі
П. Юрчанкоў
Л. Мардачова
Т. Мужэнка
А. Радкевіч
Г. Матыцкі
Б. Казлоў
Ягор і Ангеліна Жалязноўскія

Здымачная група

аўтары сцэнарыя — Васіль Быкаў, Валерый Панамароў
рэжысёр-пастаноўшчык — Валерый Панамароў
аператар-пастаноўшчык — Аляксандр Абадоўскі
мастак-пастаноўшчык — Уладзімір Дзяменцьеў
кампазітар — Сяргей Бельцюкоў
гукааператар — Андрэй Волкаў
мантажор — Людміла Мікула
рэжысёры — Роберт Мірскі, Аляксандр Федаровіч
аператар — Віктар Калінін
мастак па касцюмах — Ніна Гурло
мастак-грымёр — Грыгорый Храпуцкі
асістэнты: рэжысёра — Наталля Рыжаўская, Ніна Шутава; па касцюмах — Алла Аднамах

Прэм’ера

У 1995 годзе, за дзень да прэм’еры стужкі, якая мелася адбыцца ў мінскім кінатэатры «Масква» і пра якую паведамілі СМІ, з кінастудыі «Беларусьфільм» выкралі адзіную яе копію. Пасля сарванай прэм’еры стужка знайшлася, але шырокая публіка яе гэтак і не ўбачыла, адбыліся толькі тры паказы для вузкай аўдыторыі. На касетах і лічбавых носьбітах трапіла ў Еўропу, ЗША і Аўстралію.^[3]

Крытыка

Меркаванні наконт кінастужкі культурных дзеячаў, крытыкаў, журналістаў, якія выказаны ў дакументальным фільме «Забаронены фільм» (2013)^[4]:

Гэты фільм у многім не проста змяняў, а ламаў уяўленні людзей пра грамадзянскую вайну, пра 20-я гады, пра станаўленне нашай роднай Беларусі.

паэт Генадзь Бураўкін

Гэта вельмі дакладная і трапная экранізацыя Быкава з быкаўскай экзістэнцыйнай гісторыяй, трагічнай атмасферай і ідэальным падборам акцёраў, якія выяўляюць падставовыя беларускія персанажы на ўсе часы.

кінакрытык Андрэй Расінскі

Фільм «На чорных лядах», бясспрэчна, ёсць шэдэўрам нашага нацыянальнага кінематографа, нягледзячы на тое, што і сам рэжысэр родам не тутэйшы, нягледзячы на тое, што і частка актораў не беларусы.

мастацтвазнаўца Сяргей Харэўскі