Свята-Мікалаеўская царква (Маларыта)

Славутасць
Свята-Мікалаеўская царква
51°47′28″ пн. ш. 24°05′20″ у. д.HGЯO
Краіна	Беларусь
Месцазнаходжанне	Маларыта
Канфесія	БПЦ
Епархія	Брэсцкая і Кобрынская епархія
Будаўніцтва	1904—1909 гады
Глобус Беларусі	globustut.by/malorita/in…
Медыяфайлы на Вікісховішчы

Свята-Мікалаеўская царква — праваслаўны храм у г. Маларыта Брэсцкай вобласці.

На вуліцы Чырвонаармейскай. Пабудавана ў 1904—1909 гг. з дрэва на месцы ўніяцкай царквы, якая згадваецца пад 1668 г. (згарэла ў 1904)^[1]. У 1992 г. гарэла, але ў наступным годзе адноўлена.

Помнік архітэктуры сінадальнага напрамку рэтраспектыўна-рускага стылю. У аснове прасторавай кампазіцыі храма цэнтрычны крыжовы ў плане зруб. Кубападобны цэнтральны аб’ём накрыты пакатым чатырохгранным дахам, завершаным васьмігранным светлавым барабанам з цыбулепадобным купалам. Вертыкальная дамінанта кампазіцыі створана на галоўным фасадзе — трох’ярусная (васьмярык на 2 чацверыках) званіца з востраканечным шатром з макаўкай у завяршэнні. Бакавыя прыдзелы больш нізкія, накрыты двухсхільнымі асобнымі дахамі. Ганак вырашаны двухсхільнай навіссю на 6 слупах, завершанай макаўкай. Гарызантальна ашаляваныя сцены прарэзаны прамавугольнымі аконнымі праёмамі ў простых ліштвах з сандрыкамі. У сяродкрыжжа адкрываецца светлавы барабан.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Мікалаеўская царква (Маларыта)
• Свята-Мікалаеўская царква (Маларыта) на сайце Глобус Беларусі (руск.)
• Свята-Мікалаеўская царква (Маларыта) на сайце Radzima.org