Свята-Мікалаеўская царква (Суднікі, Вілейскі раён)

Царква Свяціцеля Мікалая, архіепіскапа Мір Лікійскіх
	Праваслаўны храм
Царква Свяціцеля Мікалая, архіепіскапа Мір Лікійскіх
	54°27′04″ пн. ш. 27°14′06″ у. д.HGЯO
Краіна	Беларусь
Вёска	Суднікі
Канфесія	Беларуская праваслаўная царква
Епархія	Маладзечанская
Благачынне	Ільянскае
Архітэктурны стыль	беларускае народнае дойлідства
Будаўніцтва	1980—1982 гады
Стан	дзейная
Глобус Беларусі	globustut.by/sudniki_vi/…
	Медыяфайлы на Вікісховішчы

Свята-Мікалаеўская царква — праваслаўны храм у в. Суднікі Вілейскага раёна Мінскай вобласці. З'яўляецца прыпісным да прыходу Успення Прасвятой Багародзіцы ў аг. Вязынь.

Настаяцель: протаіерэй Міхаіл Чурыла^[1], настаяцель храма Свята-Успенская царквы ў аг. Вязынь.

Гісторыя

Пабудавана з дрэва, на старадаўніх вясковых могілках. Папярэднюю драўляную царкву разабралі ў 1960-ых гг. і пабудавалі з яе ўласны дом^[2]. Сучасны будынак стаіць у невялікай адлегласці ад старога падмурку. Будаўніцтва пачалося ў 1980 г., а скончылася ў 1982 годзе; вялося на сродкі мясцовых вернікаў з удзелам айца Георгія з Ільянскай царквы. Ініцыятарам і будаўніком быў Іван Лашутка з братамі Грыгорыем і Ігнатам (жыхары суседняй в. Баяры).

Архітэктура

Твор народнага дойлідства. Прамавугольны ў плане аб'ём пад двусхільным дахам з вальмай над алтарнай часткай. Чатырохгранны барабан над апсідай завершаны цыбулепадобнай галоўкай. Да фасада далучаны прытвор з дошак. Аздоблена вертыкальнай шалёўкай, пафарбаванай у сіні колер.