Святлана Леанідаўна Абрамовіч

Святлана Леанідаўна Абрамовіч
Дата нараджэння	9 красавіка 1954(1954-04-09) (71 год)
Месца нараджэння	Рэчыца, Рэчыцкі раён, Гомельская вобласць, БССР, СССР
Род дзейнасці	мастачка
Жанр	габелен і батык
Вучоба	Беларускі дзяржаўны тэатральна-мастацкі інстытут (1970)
Уплыў	Павел Васілевіч Масленікаў і Ангеліна Пятроўна Бельцюкова
Член у	Беларускі саюз мастакоў

Святлана Леанідаўна Абрамовіч (нар. 9 красавіка 1954, г. Рэчыца) — беларуская мастачка.

Скончыла ў 1970 годзе Беларускі тэатральна-мастацкі інстытут. Вучылася ў П. Масленікава і А. Бельцюковай. Удзельніца мастацкіх выставак з 1977 года^[1].

Член Беларускага саюза мастакоў з 1993 года. Жыве ў г. Мінску^[1].

Працуе ў дэкаратыўна-прыкладным мастацтве (габелен, батык), а таксама ў галіне мастацкай распрацоўкі інтэр'ераў, жывапісе, акварэлі. Стварае касцюмы для аматарскіх калектываў. Сярод твораў: габелены «Музы» ў Салігорскім музычным вучылішчы^[1] (1988^[2]), «Купалле на Палессі» ў Мазырскім музычна-педагагічным вучылішчы (у сааўтарстве), «Трывожны кліч» у рэстаране «Беларусь» (Брэст)^[1], «Прарастанне» (2000), «Вытокі» (2002), дамавік «Балака» (2005), дамавік «Гарэза» (2007), «Далеч» (2008); батыкі «Світанак» (1982), «Песня» (1983), «Мая Радзіма» (1985)^[2], «Колас»^[1], «Поры года» (1986), «Музы» (1988); жывапісныя палотны «Думы на Сянежы» (1991), «Сустрэча з Гурзуфам» (1992), «Тупік» (1993), «Ніць Арыядны» (1994), «Настальгія» (1995); акварэлі «Па той бок» (1996), «Кветкі познія» (1997) і інш^[2].

Творы знаходзяцца ў Нацыянальным мастацкім музеі, Рэчыцкім краязнаўчым музеі, фондах БСМ^[1].

• Абрамович Светлана Леонидовна // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2012. — Т. 3. Гомельская область. В 2 кн. Книга 1. Aбрамов — Липово. — 398 с. — 2 500 экз. — ISBN 978-985-11-0617-8.
• Абрамовіч Святлана Леанідаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.