Скачкі на лыжах з трампліна на Алімпійскіх гульнях

Скачкі на лыжах з трампліна ўваходзілі ў склад кожных Зімовых Алімпійскіх гульняў.

З 1924 па 1956 год праводзілася толькі адно спаборніцтва на трампліне з разгонам даўжынёй каля 70 метраў, у той час класіфікаванага як «вялікі».

У 1960 годзе скачкі прайшлі на 80-метровым трампліне, а на наступнай Алімпіядзе ўпершыню разыгрываліся 2 камплекты ўзнагарод, на 70 — (нармальны, сярэдні) і 80 — (вялікі) метровых трамплінах.

З Алімпіяды 1968 года вялікі трамплін стаў 90-метровым, і з таго часу даўжыня трамплінаў практычна не мянялася.

У 1988 годзе ўпершыню былі праведзены камандныя спаборніцтвы, дзе кожны з чатырох спартсменаў зборнай двойчы скача з вялікага трампліна.

З Алімпіяды 1992 года магутнасць трамплінаў стала вымярацца не даўжынёй разгону, а адлегласцю ад кропкі адрыву да К-пойнта: нармальны атрымаў магутнасць K-90, а вялікі — K-120. Магутнасць можа крыху вар’іравацца, у Турыне спаборніцтвы праводзіліся на 95- і 125-метровых трамплінах.

6 красавіка 2011 года Міжнародны алімпійскі камітэт афіцыйна ўключыў жаночыя скачкі з трампліна ў афіцыйную алімпійскую праграму зімовых Алімпійскіх гульняў 2014 года ў Сочы (Расія). 11 лютага 2014 года Карына Фогт з Германіі выйграла першы залаты медаль у скачках на лыжах з трампліна ў жанчын на зімовых Алімпійскіх гульнях.^[1]

Падрабязней гл. таксама: Спіс прызёраў Алімпійскіх гульняў па скачках на лыжых з трампліна

Месца	Краіна	Золата	Серабро	Бронза	Усяго
1	Нарвегія	13	11	16	40
2	Германія	12	11	6	29
3	Фінляндыя	10	9	3	22
4	Аўстрыя	6	9	10	25
5	Польшча	5	3	3	11
6	Швейцарыя	4	1	0	5
7	Японія	3	5	5	13
8	Чэхаславакія	1	2	4	7
9	Аб’яднаная германская каманда	1	0	1	2
10	СССР	1	0	0	1
11	Славенія	0	1	2	3
12	Швецыя	0	1	1	2
	Югаславія	0	1	1	2
15	Францыя	0	0	1	1
	ЗША	0	0	1	1
Всего		49	50[2]	48[2]	147