Станіслаў Васілевіч Зась

Станіслаў Зась
Станіслаў Зась
	4 лістапада 2015 — 31 снежня 2019
Прэзідэнт	Аляксандр Рыгоравіч Лукашэнка
Папярэднік	Аляксандр Мяжуеў
Пераемнік	Андрэй Раўкоў
	1 студзеня 2020 — 1 студзеня 2023
Папярэднік	Валерый Семярыкоў
Пераемнік	Імангалі Тасмагамбетаў
Нараджэнне	18 жніўня 1964 (60 гадоў); Чарнігаўская вобласць, УССР, СССР;
Адукацыя	Бакінскае вышэйшае агульнавайсковае каманднае вучылішча імя Вярхоўнага Савета Азербайджанскай ССР (1985); ВАРБ (1996); Ваенная акадэмія Генеральнага штаба Узброеных Сіл Расійскай Федэрацыі (2005); МінСВУ;
Навуковая ступень	кандыдат ваенных навук[d]
Дзейнасць	армія і дзяржаўная служба
Ваенная служба
Гады службы	з 1985
Прыналежнасць	СССР; Беларусь
Званне	Генерал-лейтэнант
Узнагароды	нагрудны знак для асоб, якія скончылі вышэйшыя ваенна-навучальныя ўстановы Узброеных Сіл СССР[d]
	Медыяфайлы на Вікісховішчы

Станісла́ў Васі́левіч Зась (нар. 1964 у Чарнігаўскай вобласці, УССР) — ваенны і дзяржаўны дзеяч Беларусі, дзяржаўны сакратар Савета бяспекі (2015—2019), кандыдат ваенных навук.

Біяграфія

У 1985 годзе з адзнакай скончыў Бакінскае вышэйшае агульнавайсковае каманднае вучылішча, у 1996 з адзнакай і залатым медалём скончыў Ваенную акадэмію Рэспублікі Беларусь, а ў 2005 годзе таксама з адзнакай і залатым медалём — Ваенную акадэмію Генеральнага штаба Узброеных Сіл Расійскай Федэрацыі.

Праходзіў ваенную службу на розных пасадах ва Узброеных Сілах. Быў начальнікам аддзела ваеннага будаўніцтва галоўнага аператыўнага ўпраўлення Генеральнага штаба Узброеных Сіл Рэспублікі Беларусь, займаў пасаду намесніка начальніка галоўнага ўпраўлення — начальніка 1-га ўпраўлення галоўнага аператыўнага ўпраўлення Генеральнага штаба Узброеных Сіл Рэспублікі Беларусь^[2].

29 жніўня 2008 года ўказам Прэзідэнта Рэспублікі Беларусь назначаны намеснікам дзяржаўнага сакратара Савета Бяспекі Беларусі^[3].

З 1 ліпеня 2015 года ў адпаведнасці з Указам Прэзідэнта Рэспублікі Беларусь выконваў абавязкі дзяржаўнага сакратара Савета Бяспекі^[4].

З 4 лістапада 2015 да 31 снежня 2019 года працаваў дзяржаўным сакратаром Савета Бяспекі Беларусі.

У лістападзе 2019 г. на саміце лідараў дзяржаў-членаў АДКБ было прянта рашэнне, што з 1 студзеня 2020 г. прадстаўнік Беларусі, Станіслаў Зась, будзе выконваць абавязкі генеральнага сакратара арганізацыі^[5].

З 1 студзеня 2020 года Рашэннем Савета калектыўнай бяспекі АДКБ прызначаны на пасаду Генеральнага сакратара Арганізацыі Дагавора аб калектыўнай бяспекі тэрмінам на тры гады^[6].