Старыя Ляды

Пасёлак Старыя Ляды Краіна Беларусь Вобласць Гомельская Раён Брагінскі Сельсавет Новаялчанскі Каардынаты 51°29′30″ пн. ш. 30°28′31″ у. д.HGЯO Першая згадка XIX стагоддзе Насельніцтва 0 чалавек (1986) СААТА 3203843056 Старыя Ляды на карце Беларусі ±

Стары́я Ля́ды^[1] (трансліт.: Staryja Liady, руск.: Старые Ляды) — былы пасёлак у Брагінскім раёне Гомельскай вобласці. Уваходзіў у склад Новаялчанскага сельсавета.

Пасля катастрофы на Чарнобыльскай АЭС і радыяцыйнага забруджвання жыхары (15 сем'яў) пераселены ў 1986 годзе ў чыстыя месцы. Ліквідаваны 20 жніўня 2008 года^[2].

У 42 км на паўднёвы ўсход ад Брагіна, 3 км ад чыгуначнай станцыі Ёлча (на лініі — Оўруч — Палтава), 161 км ад Гомеля.

На ўсходзе сетка меліярацыйных каналаў.

Транспартныя сувязі па прасёлкавай, затым аўтамабільнай дарозе Камарын — Брагін.

Планіроўка складаецца з кароткай просталінейнай вуліцы, блізкай да мерыдыянальнай арыентацыі. Забудавана аднабакова драўлянымі хатамі сядзібнага тыпу.

Вядомая з XIX стагоддзя як вёска Ляды ў Савіцкай воласці Рэчыцкага павета Мінскай губерні. Напачатку 1920-х гадоў вёска Ляды падзялілася на 2 — Старыя Ляды і Новыя Ляды. У 1930 годзе арганізаваны калгас. Падчас Вялікай Айчыннай вайны у верасні 1943 года фашысты спалілі 26 двароў. Уваходзіла ў склад саўгаса «Краснае» (цэнтр — вёска Краснае).

• 2010 год — жыхароў няма.

• 1908 год — 32 двары, 172 жыхара.
• 1940 год — 29 двароў, 130 жыхароў.
• 1986 год — жыхары (15 сем'яў) пераселены.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0