Студзянец (Касцюковіцкі раён)

Студзянец
Краіна	Беларусь
Вобласць	Магілёўская
Раён	Касцюковіцкі
Сельсавет	Беладубраўскі
Каардынаты	53°18′09″ пн. ш. 32°01′57″ у. д.HGЯO
Насельніцтва	▼193 чал. (2009);
Часавы пояс	UTC+3
Тэлефонны код	+375 2245
Паштовыя індэксы	213650
Аўтамабільны код	6

Студзяне́ц^[1]^[2], таксама вядомая як Сцюдзянец^[2] (трансліт.: Studzianiec, руск.: Студенец) — вёска ў Касцюковіцкім раёне Магілёўскай вобласці Беларусі. Уваходзіць у склад Беладубраўскага сельсавета.

Геаграфія

Знаходзіцца за 5 км у напрамку на поўдзень ад горада Касцюковічы, за 165 км ад Магілёва, за 5 км ад чыгуначнай станцыі Камунары^[2]. На ўсход ад вёскі працякае рака Жадунька.

Гісторыя

Вядома з пачатку XV стагоддзя як мястэчка ў Крычаўскім старостве Мсціслаўскага ваяводства Вялікага Княства Літоўскага. У 1744 годзе тут дзейнічалі школа і царква. З 1772 года Студзянец у Расійскай імперыі. У XIX стагоддзі мястэчка ў Студзянецкай воласці Чэрыкаўскага павета Магілёўскай губерні. Належала Свінвінавым. У 1846 годзе ў Студзянцы дзейнічалі паташны завод, смаляное прадпрыемства, 3 вінакурні, 3 сукнавальні, 7 вадзяных і 1 валовы млыны, 2 заезныя дамы. У фальварку дзейнічалі маслабойня, народнае вучылішча, канатна-льнотрапальнае прадпрыемства, бальніца для сялян. У 1880 годзе мястэчка належала Цярэшчанку. Дзейнічалі валасное ўпраўленне, 2 царквы. Два разы ў год адбываліся кірмашы.

У 1924—1959 гадах адміністрацыйны цэнтр Студзянецкага сельсавета^[3], да 28 сакавіка 1996 года вёска знаходзілася ў адміністрацыйным падпарадкаванні Касцюковіцкага гарсавета.

Насельніцтва

1772 год — 65 жыхароў, 15 двароў^[2].
1799 год — 168 жыхароў, 42 двары^[2].
1880 год — 1571 жыхар, 130 двароў^[2].
1909 год — 1531 жыхар, 203 двары^[2].
2002 год — 242 жыхары, 115 двароў^[2].

Вядомыя асобы

Таццяна Паўлаўна Дзмітрусёва (1948—1998) — беларуская пісьменніца, журналіст.
Панцеляймон Мікалаевіч Лепяшынскі (1868—1944)^[4]^[2] — рэвалюцыянер і партыйны дзеяч.
Аляксей Сцяпанавіч Русецкі (1912—2000) — беларускі паэт, перакладчык.

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ ^а ^б ^в ^г ^д ^е ^ё ^ж ^з БелЭн 2002.
↑ Рашэнне выканкама Магілёўскага абласнога Савета дэпутатаў працоўных ад 8 снежня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 18.
↑ Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Літаратура

Віталёва В. В. Студзяне́ц, Сцюдзянец // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 219—220. — 10 000 экз. — ISBN 985-11-0035-8. — ISBN 985-11-0251-2 (т. 15).
Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 30. — 64 с. — 10 000 экз. — ISBN 978-985-508-173-0. (руск.)
Ліст карты N-36-101. Выданне 1989 года. Стан мясцовасці на 1985 год. (руск.)