Ступішча

Ступішча
Краіна	Беларусь
Вобласць	Віцебская
Раён	Віцебскі
Сельсавет	Ноўкінскі
Каардынаты	55°08′45″ пн. ш. 30°02′43″ у. д.HGЯO
Насельніцтва	▼26 чал. (2009);
Часавы пояс	UTC+3
Тэлефонны код	+375 212
Аўтамабільны код	2
СААТА	2212870191

Сту́пішча^[1] (трансліт.: Stupišča, руск.: Ступище) — вёска ў Віцебскім раёне Віцебскай вобласці. Уваходзіць у склад Ноўкінскага сельсавета. За 6 км на паўднёвы захад ад Віцебска, 4 км ад чыгуначнай станцыі Княжыца на лініі Віцебск — Полацк.

Гісторыя

У 18 стагоддзі вёска Ступіцкая ў Віцебскім ваяводстве ВКЛ. У 1770 годзе ў складзе маёнтка Цялятнікі ва ўладанні касцёла. Пасля 1-га падзелу Рэчы Паспалітай у складзе Расійскай імперыі, у Віцебскім павеце Пскоўскай, з 1776 года Полацкай губерні. З 1796 года ў Беларускай, з 1802 года ў Віцебскай губерні. У 19 стагоддзі вёска ў Шчэрбінскай воласці Віцебскага павета Віцебскай губерні. У 1905 годзе вёска мела 50 дзесяцін зямлі, адносілася да Цяляцінскай сельскай грамады. У сакавіку 1924 года вернута ў склад БССР. З 20 жніўня 1924 года вёска ў Рудакоўскім сельсавеце Віцебскага раёна Віцебскай акругі (да 26 ліпеня 1930 года). З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца чэрвеня 1944 года акупіравана нацысцкімі войскамі, якія спалілі 9 двароў, 9 жыхароў загінулі ў баях супраць гітлераўцаў на франтах вайны. З 22 снежня 19060 года ў Ноўкінскім сельсавеце. У 1969 годзе ў складзе калгаса «Рудакова». У 2003 годзе ў складзе ААТ «Рудакова».

Насельніцтва

4 двары, 44 жыхары (1785)
4 двары, 31 жыхар (1905)
8 двароў, 27 жыхароў (1926)
12 двароў, 51 жыхар (1941)
18 двароў, 55 жыхароў (1969)
13 гаспадарак, 35 жыхароў (2003)
13 гаспадарак, 21 жыхар (2018)

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).