Сяргей Аляксандравіч Адашкевіч

Сяргей Аляксандравіч Адашкевіч
Дата нараджэння	9 верасня 1918(1918-09-09)
Месца нараджэння	Перацяткі, Рубяжэвіцкая воласць[d], Мінскі павет, Мінская губерня
Дата смерці	25 жніўня 2007(2007-08-25) (88 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	скульптар
Жанр	станковая скульптура і манументальная скульптура
Вучоба	Віцебскае народнае мастацкае вучылішча (1937) Горкаўскае мастацкае вучылішча[d] (1940)
Мастацкі кірунак	рэалізм
Уплыў	Міхаіл Аркадзевіч Керзін
Член у	Саюз мастакоў БССР
Узнагароды

Сяргей Аляксандравіч Адашкевіч (9 верасня 1918, в. Перацяткі, Койданаўская воласць, Заходняя вобласць — 25 жніўня 2007, Мінск) – беларускі скульптар.

Вучыўся ў Віцебскім мастацкім тэхнікуме (1935—1937) у М. Керзіна, у Горкаўскім мастацкім вучылішчы^[ru] (1938—1940). Удзельнік Вялікай Айчыннай вайны. Жыў у Мінску.

Працаваў у станковай і манументальнай скульптуры. Працы вылучаюцца кампазіцыйнй закончанасцю, дакладнасцю трактоўкі, мяккасць святлоценявой мадэліроўкі формы.

Удзельнік мастацкіх выставак з 1949 года.

Асноўныя працы: «За мір» (1953), «1941 год» (1958), «Ленін-гімназіст» (1981), Мікалай Судзілоўскі–Руссель (1981), помнікі ахвярам фашызму ў в. Дражна (1964), воінам і партызанам, загінуўшым у Вялікую Айчыную вайну ў в. Церабуты (1968), Францыску Скарыну (1990) ва ўнутраным двары галоўнага корпуса Беларускага дзяржаўнага ўніверсітэта^[1].

Удзельнічаў у дэкаратыўным аздабленні будынкаў сувораўскага вучылішча, Галоўпаштамта, Нацыянальнага маетацкага музея Рэспублікі Беларусь, дамоў на Прывакзальнай плошчы ў Мінску.

Станковыя творы знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў.

• Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — С. 51. — 704 с. — 3 000 экз. — ISBN 978-985-11-0496-9.
• Беларускі саюз мастакоў: Энцыклапедычны даведнік / аўтар-складальнік Б. А. Крэпак і інш. — Мн.: ВТАА «Кавалер Паблішерс», 1998. — С. 36. — 664 с. — 3 000 экз. — ISBN 985-6427-09-6.
• Адашкевіч Сяргей Аляксандравіч // Памяць: Гіст.-дакум. хроніка Дзяржынскага р-на. — Мн.: БелТА, 2004. — С. 616. — 704 c.: іл. — ISBN 985-6302-64-1.