Тадэвуш Сулістроўскі

Тадэвуш Сулістроўскі
Любіч
Нараджэнне	каля 1745
Смерць	15 верасня 1791(1791-09-15)[1] Вішнева, Свянцянскі павет, Расійская імперыя
Месца пахавання	Касцёл Яна Хрысціцеля, Камаі
Род	Сулістроўскія[d]
Бацька	Міхал Сулістроўскі[d]
Маці	Яанна Білевіч[d]
Жонка	Брыгіта з Лапацінскіх[d]
Дзеці	Юзаф Сулістроўскі[d]
Узнагароды

Тадэвуш Сулістроўскі (каля 1745 — 15 верасня 1791) — дзяржаўны дзеяч Рэчы Паспалітай.

Прадстаўнік шляхецкага роду Сулістроўскіх герба «Любіч». Нарадзіўся ў сям’і Міхала (? — да 6 сакавіка 1761), стольніка ашмянскага, і Іааны з Білевічаў (?—не пазней 1790). Меў брата Ігнація.

У 1764 годзе ўдзельнічаў у абранні на трон Станіслава Аўгуста Панятоўскага. Далучыўся да Барскай канфедэрацыі. З 1776 года шамбялян Станіслава Аўгуста Панятоўскага. У 1781—1782 гадах член задворнага асэсарскага суда, у 1782—1784 і 1786—1788 гадах член Пастаяннай Рады. Пасол на соймы 1776 і 1782 гадоў.

Меў значныя маёнткі ў Ашмянскім павеце (Вішнева, Камаі, Жукаўшчына, Казінец, Чарняты і інш.).

Памёр у Вішневе. Пахаваны ў касцёле Яна Хрысціцеля ў Камаях.

Кавалер ордэна Св. Станіслава (1784).

5 сакавіка 1777 года ў Вільні пабраўся шлюбам з Брыгідай Іаанай з Лапацінскіх (1759—1814). З ёй меў аднаго сына і дзвюх дачок:

• Юзаф (?—1815), камер-юнкер цара Аляксандра I;
• Барбара, у шлюбе з Даніелем Альшынам Бучынскім, чашнікам ашмянскім;
• Разалія (?—1833), у шлюбе з Вінцэнтам Барткевічам, віцэ-маршалкам Завілейскага павета.

• Aftanazy Roman. Dzieje rezydencji na dawnych kresach Rzeczypospolitej. Wydanie drugie przejrzane i uzupełnione. Tom 4. Województwo wileńskie. Wrocław; Warszawa; Kraków: Ossolineum, 1993. 551 s., il., mapy.
• Haratym Andrzej. Sulistrowski Tadeusz // PSB. T. XLV/4. Warszawa; Kraków, 2008. S. 492—493.

• Тадэвуш Сулістроўскі на сайце Электронная энцыклапедыя «Вялікае Княства Літоўскае»