Уладзімір Іванавіч Пракапцоў

Уладзімір Іванавіч Пракапцоў
Уладзімір Іванавіч Пракапцоў
	; Уладзімір Пракапцоў на адкрыцці выстаўкі Літоўскага кінаплаката ў Музеі беларускага кіно. Мінск, 31.10.2013
Дата нараджэння	8 жніўня 1953 (71 год)
Месца нараджэння	Жгуна-Буда, Жгуна-Будскі сельсавет, Добрушскі раён, Гомельская вобласць, БССР, СССР;
Грамадзянства	СССР; Беларусь;
Жонка	Вера Паўлаўна Пракапцова
Род дзейнасці	мастак, мастацтвазнавец
Жанр	пейзаж, партрэт
Вучоба	Віцебскі дзяржаўны педагагічны інстытут імя С. М. Кірава
Мастацкі кірунак	рэалізм
Вядомыя працы	«Бацькоўскі дом» (2011), «Аўтапартрэт» (2005)
Член у	Беларускі саюз мастакоў; Беларускі саюз літаратурна-мастацкіх крытыкаў;
Узнагароды
	Медыяфайлы на Вікісховішчы

Уладзі́мір Іва́навіч Пракапцо́ў (нар. 8 жніўня 1953, Жгуна-Буда, Добрушскі раён, Гомельская вобласць) — беларускі мастак, з 1998 па 2023 — генеральны дырэктар Нацыянальнага мастацкага музея Рэспублікі Беларусь. Кандыдат мастацтвазнаўства (1984). Ганаровы член Расійскай акадэміі мастацтваў, член Беларускага саюза мастакоў, Беларускага саюза літаратурна-мастацкіх крытыкаў, членам Беларускага камітэта ІКОМ, членам камісіі Рэспублікі Беларусь па справах ЮНЕСКА.

Біяграфія

У 1975 годзе скончыў Віцебскі дзяржаўны педагагічны інстытут імя С. М. Кірава. З 1998 да 2023 года — дырэктар Нацыянальнага мастацкага музея Рэспублікі Беларусь. Пад яго кіраўніцтвам у 2010 годзе праведзена рэстаўрацыя і музеефікацыя Мірскага замка, у 2018 завершаны капрамонт будынка і адкрыта новая пастаянная экспазіцыя Музея В. Бялыніцкага-Бірулі^[2].

Сям’я

Жонка — Вера Паўлаўна Пракапцова (1947—2021), беларуская мастацтвазнаўца^[3].

Галерэя

Творы Уладзіміра Пракапцова
«Аўтапартрэт». Палатно, алей. 2005
«Бацькоўскі дом». Палатно, алей. 2011

Публікацыі

Вітольд Бялыніцкі-Біруля. Альбом. Серыя «Славутыя мастакі з Беларусі» (2012), 72 стар. — ISBN 978-985-01-0967-5
Станіслаў Жукоўскі. Альбом. Серыя «Славутыя мастакі з Беларусі» (2012), 71 стар. — ISBN 978-985-01-0977-4